Kala wu na omukumo kutya oto vulu okwiidhidhimikila uuhupilo tawu shongola

Momasiku ngaka gahugunina, ohatu iyadha momashongo ogendji. Sho tatu ende tatu hedha pehulilo lyuuyuni mbuka, nomaupyakadhi otage ende tagi indjipala noonkondo. Omathimbo gamwe, otashi vulika tu iyadhe kaatu na iinima yontumba. (Hab 3:16-18) Oshike tashi ke tu kwathela tu idhidhimikile uuhupilo tawu shongola? Otu na okutsikila okwiinekela muKalunga ketu, Jehova. Oku uvaneka kutya ota ka sila oshimpwiyu aapiya ye, nota vulu oku shi ninga kutya nduno otu li monkalo yini. — Eps 37:18, 19; Heb 13:5, 6.

Shoka to vulu okuninga:

• Pula Jehova e ku wilike, e ku pe uunongo noku ku yambidhidhe. — Eps 62:8

• Kala wu na ehalo lyokutaamba ko iilonga mbyoka tashi vulika inoo yi longa nale. — g-E 1/10 ep. 8-9 nosho wo iimpungu

• Kala wu na ondjigilile yokwiipalutha pambepo, shoka sha kwatela mo okulesha Ombiimbeli esiku kehe, okukala pokugongala nokukutha ombinga muukalele

TALA OKAVIDIO TUNGA EGUMBO TALI KALELELE — “KALENI MWA GWANA NAASHOKA MU NA,” E TO YAMUKULA OMAPULO NGAKA:

• Omaukwanegumbo gamwe oga li gi iyadha momashongo geni?

• Oshinima shini sha simanenena monkalamwenyo?

• Ongiini tatu vulu okukwathela mboka taya hupu shokadhila?