Itulila po omalalakano pethimbo lyoomwedhi dhEdhimbuluko

Omumvo kehe, aapiya yaJehova ohaya kala ya tegelela okudhana Edhimbuluko pamwe. Momukokomoko gwiiwike mbyoka hayi tetekele Edhimbuluko nosho wo konima yalyo, ohatu longitha oompito ndhoka dhi ikalekelwa tu tange nokupandula Jehova, omolwomagano ngoka e tu pa gekuliloyambo. (Ef 1:3, 7) Pashiholelwa, ohatu hiya yalwe nomutima aguhe kEdhimbuluko. Yamwe ohaya ningi oonkambadhala ya kuthe uukwathelikokolindjila, nelalakano lyokulonga oowili 30 nenge 50 muMaalitsa nenge muApilili. Mbela ino hala okutamununa mo uukalele woye, pethimbo lyoomwedhi dhEdhimbuluko? Oshike tashi vulu oku ku kwathela wu pondole?

Poompito odhindji, ohatu vulu okulonga oshindji, ngele otwa ningi oompangela komeho yethimbo. (Omayel 21:5) Molwaashoka oomwedhi dhEdhimbuluko odhi li popepi, ndika olyo ethimbo lyokwiitulila po elalakano. Tala nkene to vulu okutamununa mo uukalele woye pethimbo lyoomwedhi dhEdhimbuluko, e to tokola shoka wa hala okuninga, opo wu adhe omalalakano goye. Opo ihe, pula Jehova a yambeke oonkambadhala dhoye. — 1Joh 5:14, 15.

Mbela ito vulu okudhiladhila komikalo dhimwe moka to vulu okutamununa mo uukalele woye, pethimbo lyoomwedhi dhEdhimbuluko?