ONKALAMWENYO YOPAKRISTE
Inekela muJehova, uuna to hindwa
Okuhindwa ohaku vulu oku tu ehameka palutu nopamaiyuvo. Ohaku vulu wo oku tu nkundipaleka pambepo, ngele otwa kwatwa kuumbanda, uuna tatu patanekwa, omolwelongelokalunga lyetu. Ongiini to vulu okwiigamena, uuna to hindwa?
Aapiya yaJehova oyendji, oya pondola okuungaunga naamboka ya kala taye ya hindi, mokukala ya inekela muJehova. (Eps 18:17) Pashiholelwa, Ester okwa li a tokola okupopya, opo a holole oompangela dhomutondi gwawo, Haman. (Est 7:1-6) Manga inaa ninga ngawo, okwa li a ulike kutya okwa inekela muJehova, sho i idhilike iikulya. (Est 4:14-16) Jehova okwa yambeke oonkatu dhe nokwe mu gamene pamwe noshigwana She.
Aagundjuka, uuna tamu hindwa, puleni Jehova e mu kwathele, na popyeni wo nomukuluntu ngoka a pyokoka kombinga yuupyakadhi weni, ngaashi pashiholelwa aavali yeni. Oto vulu okukala nuushili kutya Jehova ote ke ku kwathela, ngaashi a li a kwathele Ester. Oshike ishewe to vulu okuninga wu ungaunge nomupondo naamboka taye ku hindi?
TALA OKAVIDIO ETHIMBO LYUUGUNDJUKA WANDJE — ONGIINI TANDI VULU OKUUNGAUNGA NAAMBOKA TAYA HINDI NDJE? E TO YAMUKULA OMAPULO NGAKA:
Aagundjuka otayi ilongo shike koshiholelwa shaCharlie naFerin?
Oshike shoka aavali taya vulu okwiilonga kwaashoka sha popiwa kuCharlie naFerin, kombinga yokukwathela oyana ya ungaunge naamboka taye ya hindi?