Nkene to vulu okudhimbulukwa omanyolo

Mbela oho mono oshidhigu okudhimbulukwa enyolo ndyoka wu hole? Otashi vulika hali ku tsu omukumo, hali ku kwathele wu sinde omadhiladhilo ga puka, nenge wa hala oku li lombwela gumwe. (Eps. 119:11, 111) Natu ka taleni komaetopo gamwe ngoka taga vulu oku ku kwathela wu dhimbulukwe omanyolo.

• Longitha okandhindhiliko Tag mopolohalama JW Library^®. Thinda pokandhindhiliko hoka, e to nyola po “Omanyolo ngoka ndi hole,” opo nduno kohi yokapalanyolo hoka nyola ko enyolo kehe ndyoka wa hala okudhimbulukwa.

• Tula enyolo ndyoka wu hole mpoka to vulu oku li mona. Nyola enyolo ndyoka wa hala okudhimbulukwa pokambapila, e to ka tula mpoka to vulu oku ka mona ethimbo nethimbo. Yamwe ohaye wu nateke komasipili gawo, omanga yalwe okookila dhokutalaleka. Yamwe ohaya thaneke enyolo, noku li tula kosikilina yokompiuta nenge yongodhi yopeke.

• Longitha uumbapila uushona, wu ku kwathele wu dhimbulukwe. Nyola enyolo lyOmbiimbeli kombinga yimwe yokambapila, nokombinga onkwawo nyola ko oohapu dhenyolo ndyoka. Opo ihe kambadhala okudhimbulukwa oohapu dhenyolo ndyoka mokutala kombinga hoka we li nyola, nenge wu tale hoka wa nyola oohapu dhenyolo, e to kambadhala okudhimbulukwa enyolo.