Chris McGrath/Getty Images
OSHIKONGA SHI IKALEKELWA
Iita — Shoka Uukwaniilwa waKalunga tawu ka ninga
Muuyuni awuhe, iita onkee ngaa tayi tsikile okuyonagula iinima nokweehameka aantu. Tala koolopota tadhi landula:
Momasiku 7 Juni 2023, ehangano lyedhina Peace Research Institute Oslo, olya ti: “Omumvo gwa zi ko, aantu oyendji oya kanitha oomwenyo dhawo, omolwiita, unene tuu moEtiopia nomoUkraine, oshinima shoka inaashi monika nando onale okuza mo 1994.”
Momasiku 8 Febuluali 2023, ehangano lyokugongela omauyelele lyedhina The Armed Conflict Location & Event Data Project (ACLED), olya ti: “Iita moUkraine oya li yimwe yomomapiyagano ngoka ga kwata miiti mo 2022. Muuyuni awuhe, omumvo gwa zi ko omakuyunguto gopapolitika oga li ga indjipala noopelesenda 27, noga li ga gumu aantu ye thike pobiliyona 1,7 lwaampo.”
Ombiimbeli oye tu pa etegameno. Oya ti kutya “Kalunga komegulu ota ka dhika po oshilongo shoka shaa na hulilo.” (Daniel 2:44) Kohi yUukwaniilwa nenge tu tye yepangelo lye, Kalunga ota ka “hulitha po omalugodhi kombanda yevi alihe.” — Episalomi 46:9.