Shoka tatu vulu okuninga tu kale twa nyanyukwa, uuna tu li moonkalo oondhigu — Ombiimbeli otayi ti ngiini?

Momathimbo ngaka omadhigu, olundji ihatu vulu naanaa okuyanda shoka tashi vulika shi tu ningilwe. Nonando ongawo, olundji enyanyu lyetu ohali kala lyi ikolelela ketaloko lyetu, ihe hakoonkalo dhetu. Ombiimbeli otayi ti kutya nonando ohatu kala twa taalela omaupyakadhi, “omwenyo omunyanyukwi aluhe ogu li moshituthi.” (Omayeletumbulo 15:15) Oshike tatu vulu okuninga, opo tu indjipaleke enyanyu lyetu? Tala nkene omayele ngoka ge li mOmbiimbeli taga vulu oku ku kwathela.

Nkene tatu vulu okuungaunga niimpwiyu

Ombiimbeli otayi ti: “Oshimpwiyu shomomutima gwomuntu otashi mu thindile pohi, ihe oohapu dhuukuume ohadhi gu nyanyudha.” — Omayeletumbulo 12:25.

• Ombiimbeli otayi vulu oku ku kwathela wu ungaunge niimpwiyu ya pitilila. Opo wu shi mone, lesha oshitopolwa “What the Bible Says About Anxiety.”

Kondjitha uuwike

Ombiimbeli otayi ti: “Kuume oku na ohole aluhe, nomumwayina okwa valwa, opo a kwathe moluhepo.” — Omayeletumbulo 17:17.

• MOmbiimbeli omu na omayele ngoka taga vulu oku ku kwathela wu kondjithe uuwike, mokukala ho koleke ekwatathano lyoye nayalwe. Lesha oshitopolwa “Fight Loneliness With Friendship—How the Bible Can Help.”

Kokeka ohole yokuhola Kalunga nosho wo yalwe

Ombiimbeli otayi ti: “Hola Jehova Kalunga koye nomutima gwoye aguhe, nomwenyo gwoye aguhe nosho wo nomadhiladhilo goye agehe. . . . Hola mukweni ngaashi wu ihole mwene.”a — Mateus 22:37-39.

• Egalikano otali vulu oku tu kwathela tu kokeke ohole yetu yokuhola Kalunga. Opo wu ilonge oshindji, lesha oshitopolwa “Kalunga ohu uvu ngaa omagalikano getu?”

• Ohatu ulukile yalwe ohole moku ya ningila shoka twa hala ye tu ningile. Mona uuyelele owundji moshitopolwa “What Is the Golden Rule?”

Omolwashike itoo ilongo oshindji kombinga ya nkene Ombiimbeli tayi vulu oku ku kwathela, wu kale wa nyanyukwa, uuna wu li moonkalo oondhigu? Opo wu shi ninge, otatu ku hiya wu kambadhale oonkundathana dhopaMbiimbeli ndhoka hatu ningi naantu oshali.