Enyolo lyopevi

a Oshitya shOshigreka sha tolokwa ‘okuhendwa komutima’ osha za koshityalonga (em·bri·maʹo·mai) shoka tashi ti okukala wa yematekwa unene kusha. Omulongwantu gumwe gwOmbiimbeli ota ti: “Mpaka otashi ti owala kutya Jesus okwa li a yemata noonkondo e ta tameke okukema inee shi tegelela.” Uutumbulilo wa tolokwa ‘okuuva uudhigu meni’ owa za koshitya shOshigreka (ta·rasʹso) shoka tashi ulike okupiyaganekwa. Pamunyoli gumwe gwembwiitya, otashi ti “okuningitha gumwe a kale a piyagana momwenyo, . . . oku mu nikitha oluhodhi olunene.” Uutumbulilo ‘okulila’ owa za koshityalonga shOshigreka (da·kryʹo) shoka tashi ti “okulila ongumitila to pititha omahodhi.”