Enyolo lyopevi

a Oombimbeli dhimwe otadhi longitha oshitya “uuyuni” pehala ‘lyonkalelo yiinima.’ OExpository Dictionary of New Testament Words ya W. E. Vine otayi ti kutya oshitya shOshigreka ai·onʹ “otashi ti ethimbo inaali uthwa, nenge ethimbo lya talika ko mekwatathano naashoka tashi ningwa pethimbo ndyoka.” OGreek and English Lexicon to the New Testament yaParkhurst (epandja 17) oya kwatela mo uutumbulilo “onkalelo ndjika yiinima” mpoka tayi kundathana okulongitha ai·oʹnes (pauwindji) mAaheberi 1:2. (NW) Ano etoloko “onkalelo yiinima” otali tsu kumwe nenyolo lyOshigreka shopetameko.