Enyolo lyopevi

e Kserkses I okwa li omugeyentu. Omunandjokonona Omugreka, Herodotus, okwa nyola iiholelwa yongeyo yaKserkses sho a li ta hingile Aagreka iita. Omukwaniilwa nguka okwa li a gandja elombwelo oosikepa dhi tulwe kumwe pekololo lyaHellespont opo dhi ninge ontopa. Sho oshikungulu she dhi teyagula po, Kserkses okwa li a gandja elombwelo aatungi ya tetwe omitse, nomeya gopuHellespont ga dhengwe nongola omanga taga leshelwa etumwalaka lyegeelo mokule. Piita oyo tuu mbyoka, omulumentu gumwe omuyamba sho a pula omukwaniilwa omwanamati kaa tumwe kiita, Kserkses okwa li a tete omumati ngoka pokati.