Enyolo lyopevi

b UUTUMBULILO WA YELITHWA: “Oparadisa yopambepo” osha hala okutya omudhingoloko gwa gamenwa mono hatu longele Jehova twa hangana. Momudhingoloko ngoka, Jehova ohe tu longo kehe shimwe shoka twa pumbwa okutseya, opo tu mu longele. Shoka he tu longo kashi na ekwatathano nomalongo giifundja gomomalongelokalunga, notu na iilonga iiwanawa yokuuvitha onkundana ombwanawa yUukwaniilwa waKalunga. Otu na ekwatathano ewanawa naJehova notu na ombili naamwatate naamwameme aanahole, mboka haye tu kwathele tu idhidhimikile omaupyakadhi nenyanyu. Moparadisa yopambepo ohatu ya mo, uuna tatu tameke okulongela Jehova momukalo ngoka a hokwa nuuna tatu ningi ngaashi tatu vulu tu mu holele.