Enyolo lyopevi

a Kutya nduno onkalo onayi nayipale ya fa peni muuyuni, otatu vulu okukala tu na einekelo kutya onakuyiwa ombwanawa otayi ya. Ohatu kala tu na einekelo ndyoka mokukonakona omahunganeko gOmbiimbeli. Oshitopolwa shino otashi ka kundathana omatompelo gokondandalunde kutya omolwashike tu na okukonakona shoka Ombiimbeli ya uvaneka. Otatu ka konakona wo omahunganeko gaali ngoka taga a dhika membo lyaDaniel notatu ka mona nkene tatu vulu okumona mo uuwanawa paumwene ngele otu ga uvite ko.