OSHILESHWA 23

Eninginitho onkatu ya simana!

Shono sha pilintwa

Jesus okwa ti kutya Aakriste yashili oye na okuninginithwa. (Lesha Mateus 28:19, 20, yelekanitha NW.) Ihe eninginitho oshike? Omuntu oku na okuninga shike tango, opo a kale a gwana okuninginithwa?

1. Eninginitho oli na okuningwa ngiini?

Oshitya “okuninginithwa” osha za koshitya shOshigreka shoka tashi ti “okutula kohi” yomeya. Sho Jesus a ninginithwa okwa li a tulwa kohi yomeya momulonga gwaJordan, oshoka Ombiimbeli otayi ti: ‘Okwa zi momeya.’ (Markus 1:9, 10) Sha faathana, Aakriste yashili ohaya ninginithwa, taya tulwa kohi yomeya.

2. Eninginitho ohali ulike shike?

Uuna omuntu a ninginithwa, ohu ulike kutya okwi iyapulila Jehova Kalunga. Omuntu ohi iyapulile ngiini Kalunga? Manga inaa ninginithwa, oha galikana paumwene ta lombwele Jehova kutya okwa hala oku mu longela sigo aluhe. Ohu uvanekele Jehova kutya okwa hala oku mu longela oye awike. Oha tokola wo kutya okulonga ehalo lyaKalunga, osho tashi ka kala oshinima sha simanenena monkalamwenyo ye. Oha tokola ‘okwiidhimbwa ye mwene nokulandula’ omalongo gaJesus noshiholelwa she. (Mateus 16:24) Eiyapulo neninginitho lye ohali shi ningitha tashi wapa, a kale e na uukuume wopothingo naJehova nosho wo nayalwe mboka haye mu longele.

3. Omuntu okwa pumbwa okuninga shike tango, opo a kale a gwana okuninginithwa?

Oto vulu okwiilongekidhila eninginitho mokwiilonga kombinga yaJehova nomokukokeka eitaalo lya kola. (Lesha Aahebeli 11:6.) Sho ontseyo yoye neitaalo tali ende tali koko, nohole yoye yokuhola Jehova otayi ende tayi koko. Onkee ano, osha yela kutya oto ka kala wa hala okuuvitha kombinga yaJehova nokukala metsokumwe nomithikampango dhe. (2 Timoteus 4:2; 1 Johannes 5:3) Ngele omuntu oha longo shoka sho “opalela” Omuwa, otashi vulika a kale a hala okwiiyapulila Kalunga nokuninginithwa. — Aakolossa 1:9, 10.a

ILONGA OSHINDJI

Tala shoka tatu vulu okwiilonga keninginitho lyaJesus nankene gumwe ta vulu okwiilongekidhila onkatu ndjika ya simana.

4. Otatu vulu okwiilonga ko sha keninginitho lyaJesus

Lesha Mateus 3:13-17 wi ilonge oshindji kombinga yeninginitho lyaJesus, e tamu kundathana omapulo taga landula:

Mbela sho Jesus a ninginithwa okwa li okahanona?
Okwa li a ninginithwa ngiini? Mbela okwa li a shashaminwa omeya?

Sho Jesus a ninginithwa, okwa tameke oshilonga shi ikalekelwa kombanda yevi, shoka a pewa kuKalunga. Lesha Lukas 3:21-23 nosho wo Johannes 6:38, e tamu kundathana epulo tali landula:

Konima sho Jesus a ninginithwa, oshilonga shini a li a tula pondondo yotango monkalamwenyo ye?

5. Eninginitho onkatu ndjoka to vulu okwaadha

Petameko, otashi vulika shi kale oshinima oshidhigu kungoye, okwiiyapulila Kalunga nokuninginithwa. Ihe nonando ongawo, oto vulu okuninga ehumokomeho sigo oponkatu mpoka to vulu okukala wu na omukumo gwokuninga etokolo ndyoka lya simana. Opo wu mone yamwe mboka ye shi ninga, dhana OKAVIDIO.

OKAVIDIO: Taya koleke ekwatathano lyawo naJehova (1:11)

Lesha Johannes 17:3 nosho wo Jakob 1:5, e tamu kundathana epulo tali landula:

Oshike tashi kwathele omuntu a kale a gwana okuninginithwa?

1. Omukiintu ti iyapulile Kalunga okupitila megalikano.

2. Omukiintu oye tuu ngoka ta ninginithwa a ninge Onzapo yaJehova.

Ohatu iyapulile Jehova megalikano tatu mu lombwele kutya otwa hala oku mu longela sigo aluhe
Sho tatu ninginithwa, ohatu ulukile aatali nomeho kutya otwi iyapulila Kalunga

6. Uuna wa ninginithwa, oho ningi oshitopolwa shuukwanegumbo waJehova

Uuna twa ninginithwa, ohatu ningi oshitopolwa shuukwanegumbo wa hangana muuyuni awuhe. Nonando otwa za komahala nomomaputuko ga yoolokathana, atuhe otwi itaala iinima ya faathana nohatu kala metsokumwe nomithikampango dhOmbiimbeli. Lesha Episalomi 25:14 nosho wo 1 Petrus 2:17, e tamu kundathana epulo tali landula:

Eninginitho ohali gumu ngiini ekwatathano lyomuntu naJehova nosho wo nayalwe mboka haye Mu longele?

Omathano: Omumwameme a ninginithwa ta dhiladhila a nyanyukwa kombinga yekwatathano ewanawa ndyoka e na nayalwe megongalo. 1. Ta lombwele omumwameme gumwe uudhigu we. 2. Ta ambidhidha omumwameme omukokele e ende. 3. Ta li pamwe nookuume ke yomimvo dha yoolokathana. 4. Ta uvithile omulumentu gumwe, ta kwathelwa komumwameme gulwe. 5. Ti ithaneke pamwe naamwameme yaali yomihoko dha yoolokathana poshigongi shoshitopolwa.

AANTU YAMWE OHAYA TI: “Ngaye inandi ilongekidha natango okuninginithwa.”

Ngele osho wu uvite ngawo, mbela sho to tala eninginitho onkatu ngaa ndjoka wa pumbwa okwaadha?

OWI ILONGO SHIKE?

Jesus okwa ti kutya Aakriste oya pumbwa okuninginithwa. Opo omuntu a adhe elalakano ndyoka, okwa pumbwa okukala e na eitaalo lya kola muJehova, okukala metsokumwe nomithikampango dhe noku mu iyapulila.

Omapulo geendululo

Eninginitho oshike nomolwashike lya simana?
Eiyapulo neninginitho oya pambathana ngiini?
Omuntu okwa pumbwa okuninga shike manga inii iyapulila Jehova nokuninginithwa?

Oshileshwa owe shi mana momasiku:

Itulila po elalakano

Tala omisholondondo pehulilo lyoshitopolwa 4, “Onda gwana ngaa okukala handi uvitha negongalo?” nosho wo “Onda gwana ngaa okuninginithwa?,” wu mone shoka to vulu okuninga, opo wu ka kale wa gwana okuninginithwa monakuyiwa.

Omalalakano galwe:

Your other goal

UUYELELE WA GWEDHWA PO

Tala kutya eninginitho oshike nosho wo kutya kali shi shike.

“Eninginitho oshike?” (Oshitopolwa shi li kepandja lyetu lyokointaneta)

Tala kiinima mbyoka tayi vulu okukwathela omuntu, opo a ninge ehumokomeho a ninginithwe.

“Ohole yokuhola Jehova noku mu pandula otayi ke ku inyengitha wu ninginithwe.” (Oshungolangelo, Maalitsa 2020)

Lesha wu uve nkene omulumentu gumwe a tokola a ninginithwe, ihe ine shi ninga owala shi ikolelela komaiyuvo ge.

“Oya li ya hala ndi mone ngame mwene shoka Ombiimbeli tayi ti” (Oshungolangelo, 1 Maalitsa 2013)

Tala kutya omolwashike eninginitho lya simana nankene to vulu oku li ilongekidhila.

“Mbela nandi ninginithwe ngaa?” (Omapulo ngoka aagundjuka haya pula, Embo 2, ontopolwa 37)

a Ngele omuntu okwa ninginithwa nale melongelokalunga lilwe, okwa pumbwa ishewe okuninginithwa. Omolwashike mbela? Oshoka elongelokalunga ndyoka inali mu longa oshili yOmbiimbeli. — Tala Iilonga 19:1-5 nosho wo Oshileshwa 13.