Okwaakutha ombinga mopolotika osha hala okutya shike?

Jesus okwa li a longo aalanduli ye kutya yo kaye shi ‘yomuuyuni.’ (Johannes 15:19) Shika otashi ti kutya kaye na okukutha ombinga mopolotika nomiita. Uushili owo kutya okukala ihaatu shi ningi, ihashi kala aluhe oshipu. Otashi vulika tu shekwe, sho ihaatu shi ningi. Ongiini tatu vulu okukala ihaatu kutha ombinga nokukala aadhiginini kuJehova Kalunga?

1. Aakriste yashili oya tala ko ngiini omapangelo gopantu?

Aakriste yashili oya simaneka omapangelo. Ohatu ningi ngaashi Jesus e tu lombwela kutya ‘shoka shomupangeli natu shi pe omupangeli,’ sha hala okutya, ohatu vulika koompango dhoshilongo, ngaashi okufuta iifendela. (Markus 12:17) Ombiimbeli otayi ti kutya aapangeli yopantu otaya pangele owala molwaashoka Jehova e ya etha ya pangele. (Aaroma 13:1) Onkee ano, omapangelo gopantu kage na oonkondo dhi vule dhaKalunga, nomolwaashono twa tegelela Kalunga ketu e ete epangelo lye lyomegulu, olyo li ye li kandule po omaupyakadhi agehe gaantu.

2. Ongiini tatu vulu okuulika kutya ihatu kutha ombinga mopolotika?

Ngaashi Jesus, ihatu kutha ombinga mopolotika. Oshikando shimwe, sho aantu ya mono oshikumithalonga shaJesus, oya li ya kambadhala oku mu ninga omukwaniilwa kombanda yevi, ihe ye ine shi pitika. (Johannes 6:15) Omolwashike mbela? Omolwaashoka okwa popile ta ti: “Uukwaniilwa wandje kau shi womuuyuni mbuka.” (Johannes 18:36) Ngaashi aalongwa yaJesus, natse ihatu kutha ombinga miinima yopapolotika. Pashiholelwa, ihatu yi kiita. (Lesha Mika 4:3.) Ohatu simaneke omandhindhiliko gopashigwana, ngaashi omapandela, ihe ihatu ga salutile, oshoka kungawo otatu ga galikana. (1 Johannes 5:21) Ihatu yambidhidha oongundu dhopapolotika nenge mboka taya hogololwa. Momikalo ndhika nadhilwe, ohatu ulike kutya otu li aadhiginini thiluthilu kepangelo lyaKalunga, ano kUukwaniilwa we.

ILONGA OSHINDJI

3. Aakriste yashili ihaya kutha ombinga mopolotika

Jesus naalanduli ye, oye tu tulila po oshiholelwa. Lesha Aaroma 13:1, 5-7 nosho wo 1 Petrus 2:13, 14. Opo nduno dhana OKAVIDIO, e tamu kundathana omapulo taga landula.

OKAVIDIO: Aakriste yashili ihaya kutha ombinga mopolotika — Oshitopolwa 1 (4:28)

• Omolwashike tu na okusimaneka omapangelo gopantu?

• Omiinima yini tatu vulu okuulika kutya ohatu vulika kugo?

Uuna pu na iita, iigwana yimwe ohayi ti kutya ihayi kutha ombinga, ihe ohayi yambidhidha omaipumomumwe. Mbela okukala ihoo kutha ombinga mopolotika okwa kwatela mo lela shike? Lesha Johannes 17:16. Opo nduno dhana OKAVIDIO, e tamu kundathana epulo tali landula.

OKAVIDIO: Aakriste yashili ihaya kutha ombinga mopolotika — Oshitopolwa 2 (3:11)

• Otashi ti shike okwaakutha ombinga mopolotika?

Ongiini ngele omapangelo oga hala tu kuthe ombinga moshinima shoka shi li ompinge nompango yaKalunga? Lesha Iilonga 5:28, 29. Opo nduno dhana OKAVIDIO, e tamu kundathana omapulo taga landula.

OKAVIDIO: Aakriste yashili ihaya kutha ombinga mopolotika — Oshitopolwa 3 (1:18)

• Ngele ompango yopantu otayi kondjithathana nompango yaKalunga, otu na okuvulika kompango yalye?

• Sho to tala, mbela omoonkalo dhini Omukriste ta vulu okukala inaa vulika komapangelo gopantu?

4. Ino kutha ombinga mopolotika pamadhiladhilo nomiilonga

Lesha 1 Johannes 5:21. Opo nduno dhana OKAVIDIO, e tamu kundathana omapulo taga landula.

OKAVIDIO: Omolwashike Aakriste yashili ya pumbwa omukumo — Kaaya kuthe ombinga miinima yopapolitika? (2:49)

• Mokavidio hano, omolwashike Ayenge a tokola kaa wayimine ongundu yopapolotika nenge a kuthe ombinga miinima ngaashi okusalutila epandela?

• Sho to tala, mbela okwa ninga ngaa etokolo lyopandunge?

Oonkalo dhilwe dhini tadhi vulu oku tu ningitha tu kuthe ombinga mopolotika? Dhana OKAVIDIO, e tamu kundathana omapulo taga landula.

OKAVIDIO: Iiyilongomwa okuza mOshungolangelo: Ino gama ombinga miinima yopapolotika yuuyuni mbuka wa topoka (5:16)

• Ongiini tatu vulu okukala ihaatu gama ombinga, uuna tatu tala omaudhano gopashigwana?

• Ongiini tatu vulu okukala ihaatu kutha ombinga, nonando otwa gumwa komatokolo ga ningwa kaanapolotika?

• Ongiini iikundaneki naamboka hatu endathana, nayo taya vulu oku tu nwetha mo tu game ombinga?

OWI ILONGO SHIKE?

Aakriste ohaya kambadhala ya mana mo, opo kaaya kuthe ombinga miinima yopapolotika pamadhiladhilo, moohapu nomiilonga.

Omapulo geendululo

• Omiinima yini hatu vulika komapangelo gopantu?

• Omolwashike ihaatu kutha ombinga miinima yopapolotika?

• Oonkalo dhini tashi vulika dhi tu ningithe tu kale twa hala okukutha ombinga mopolotika?

UUYELELE WA GWEDHWA PO

Omaiyambo geni tatu vulu okuninga, opo kaatu kuthe ombinga mopolotika?

Jehova ine tu etha nando (3:14)

Oshike aanegumbo ye na okuninga yi ilongekidhe manga kuyele, kaaya ka kuthe ombinga mopolotika?

Ino kutha ombinga miinima yopapolotika piiningwanima yopashigwana 4:25

Omolwashike okupopila oshilongo sheni, itaaku vulu oku ku ningitha wu kale omuntu a simanenena?

“Kalunga iha nyengwa kusha” (5:19)

Tala nkene to vulu okukala kuu shi oshitopolwa shuuyuni, uuna to ningi omatokolo kombinga yiilonga.

“Kehe gumwe oku na okuhumbata ye mwene omutenge gwe” (Oshungolangelo, 1 Apilili 2006)

Sho tatu popi ngeyi Aakriste yamwe otaya hepekwa, omanga yalwe tashi vulika ya ka hepekwe monakuyiwa. Mbela shoka oshi na oku tu mbandameka?

1. Omolwashike twa tegelela oku ka hepekwa?

Ombiimbeli otayi popi sha yela, tayi ti: “Ayehe mboka ya hala okulongela Kalunga nesimaneko muukumwe naKristus Jesus, otaa ka tidhaganwa.” (2 Timoteus 3:12) Jesus okwa li a hepekwa, molwaashoka ka li oshitopolwa shuuyuni waSatana. Natse katu shi oshitopolwa shuuyuni mbuka. Onkene ihatu kala twa kumwa ngele tatu hepekwa nenge tatu tidhaganwa komapangelo nokaawiliki yomalongelokalunga. — Johannes 15:18, 19.

2. Ongiini tatu vulu okwiilongekidhila omahepeko?

Otu na okukoleka einekelo lyetu muJehova ngashingeyi. Onkene kala ho kongo ethimbo lyokugalikana kuye esiku kehe nokulesha Ombiimbeli. Kala wo ho kala aluhe pokugongala. Omaipyakidhilo agehe ngoka otage ke ku nkondopaleka wu vule okwiidhidhimikila omahepeko wu na omukumo, nokuli nando otage ku zile kuyaandjeni. Omuyapostoli Paulus ngoka a li ha hepekwa olundji, okwa nyola a ti: “Omuwa oye omukwathi gwandje, itandi tila sha. Omuntu ota ningi ndje shike?” — Aahebeli 13:6.

Otatu vulu wo okukala tu na omukumo, ngele otwa kala hatu uvitha aluhe. Okuuvitha ohaku tu kwathele tu kale twi inekela muJehova notu sinde uumbanda wokutila aantu. (Omayeletumbulo 29:25) Ngele owa kala ho uvitha wu na omukumo ngashingeyi, otashi ke ku kwathela wu tsikile okuuvitha, nonando omapangelo ogi indike iilonga yetu. — 1 Aatessalonika 2:2.

3. Okwiidhidhimikila omahepeko ohaku tu etele uuwanawa wuni?

Odhoshili kutya ihatu kala twa nyanyukwa ngele tatu hepekwa, ihe ngele otwi idhidhimikile omahepeko nomupondo, eitaalo lyetu ohali kolo. Ohatu hedha popepi naJehova, molwaashoka ohe tu kwathele uuna kaatu na we oonkondo dhokwiidhidhimika. (Lesha Jakob 1:2-4.) Ohashi ehameke Jehova, uuna e wete tatu mono iihuna, ihe ohashi mu nyanyudha ngele tatu idhidhimike. Ombiimbeli otayi ti: “Ngele tamu idhidhimikile omahepeko nuuna inaamu yona sha, nena Kalunga ote shi mu yambekele.” (1 Petrus 2:20) Ngele otwa kala aadhiginini, Jehova ote ke tu pa ondjambi yomwenyo gwaaluhe muuyuni uupe, moka itaamu ka kala ngoka te ke tu pataneka. Onkee ano, ayehe mboka taya ka kala mo, otaya ka kala noku mu longela. — Mateus 24:13.

ILONGA OSHINDJI

4. Oto vulu okwiidhidhimikila omapataneko ngoka tage ku zile kuyaandjeni

Jesus okwa li e shi nawa kutya otashi vulika aantu yamwe yaandjetu ya kale inaaya hala tu longele Jehova. Lesha Mateus 10:34-36, e tamu kundathana epulo tali landula:

• Oshike tashi vulu okuningwa po uuna gumwe megumbo a tokola okulongela Jehova?

OKAVIDIO: Jehova okwe tu sile oshimpwiyu (5:13)

• Oto ka ninga po shike ngele omupambele nenge kuume koye ote ku teya omukumo wu ethe po okulongela Jehova?

Lesha Episalomi 27:10 nosho wo Markus 10:29, 30. Konima yokulesha enyolo kehe, kundathaneni epulo tali landula:

• Euvaneko ndyoka otali ke ku kwathela ngiini ngele kuume koye nenge gumwe gwaandjeni ote ku pataneke?

5. Tsikila okulongela Jehova, nonando oto patanekwa

OKAVIDIO: Kala omulaadhi, nando oto patanekwa (6:27)

• Ongiini iiholelwa mbyoka tu uva mokavidio tayi vulu oku ku kwathela?

Lesha Iilonga 5:27-29 nosho wo Aahebeli 10:24, 25. Ngele mwa lesha enyolo kehe, kundathaneni epulo tali landula:

• Omolwashike sha simana okutsikila okulongela Jehova, nonando epangelo olye tu indika okuuvitha nenge okuya kokugongala?

6. Jehova ote ke ku kwathela wu idhidhimike

OKAVIDIO: Jehova Kalunga ota ka pa ndje oonkondo (3:40)

• Ngaashi twa mono mokavidio, oshike sha kwathele Oonzapo ndhono dhi idhidhimike?

Lesha Aaroma 8:35, 37-39 nosho wo Aafilippi 4:13. Ngele mwa lesha enyolo kehe, kundathaneni epulo tali landula:

• Enyolo ndino otali ku shilipaleke ngiini kutya oto vulu okwiidhidhimikila emakelo kehe?

Lesha Mateus 5:10-12, e tamu kundathana epulo tali landula:

• Omolwashike to vulu okukala wa nyanyukwa, nonando oto hepekwa?

OWI ILONGO SHIKE?

Jehova okwa lenga oonkambadhala ndhoka hatu ningi sho tatu mu longele, nonando otatu hepekwa. Kekwatho lye, otatu vulu okwiidhidhimika nomupondo!

Omapulo geendululo

• Omolwashike Aakriste ye na okukala ya tegelela okuhepekwa?

• Oshike to vulu okuninga ngashingeyi, opo wu kale wi ilongekidha sho omahepeko tage ke ya?

• Oshike tashi vulu oku ku kwathela wu kale wu na einekelo kutya oto vulu okulongela Jehova, kutya nduno opu na omamakelo?

UUYELELE WA GWEDHWA PO

Tala nkene omumwatate gumwe omugundjuka ta popi kombinga yankene Jehova e mu kwathele i idhidhimike, sho a li a tulwa mondholongo omolwokwaakutha ombinga mopolotika.

Kala ho idhidhimike, nonando oto hepekwa (2:34)

Tala kutya oshike sha li sha kwathele aaihokani yamwe ya tsikile okulongela Jehova nuudhiginini uule womimvo, nonando oya li taya patanekwa.

Tatu longele Jehova naasho onkalo ya lunduluka (7:11)

Tala nkene to vulu okukala wa nyatipala uuna to hepekwa.

“Ilongekidhila ngashingeyi omahepeko” (Oshungolangelo, Juli 2019)

Otu na okukala twa tala ko ngiini omapataneko ngoka hage tu zile kuyaandjetu, noshike tu na okuninga, opo tu kaleke po ombili notu tsikile okukala aadhiginini kuJehova?

“Oshili ihayi eta ‘ombili, ihe egongamwele’” (Oshungolangelo, Kotoba 2017)