Omolwashike tu na okuya koshitopolwa nziya?

Uuna twa tsakanene pelongekidho lyiilonga yomomapya, ohatu kala naamwatate naamwameme noshi li paunshitwe okukala twa hala okukala tatu popi. Onkee ano, uuna elongekidho lya pu, otu na okukambadhala tu ye koshitopolwa nziya. Iilonga yetu yokuuvitha oyi na okuningwa neendelelo. (2 Tim. 4:2) Shi thike ngaa pokukala ethimbo ele tatu ende kashona, osho ngaa tatu ka kala tu na ethimbo efupi lyuukalele. Otatu ka kala tu na ethimbo lya gwana lyokunyanyukilwa eendathano ewanawa naauvithi ooyakwetu sho tatu longo nayo muukalele. Okuya nziya muukalele nopwaahe na okukwatakwata ohaku ulike kutya otatu longo nuupenda sho tatu longele Jehova nosho wo Omwana.— Rom. 12:11.