Iileshomwa moka mwa za omayamukulo gomapulo ngoka ge li mokafo Onkalamwenyo yopaKriste niilonga yetu yokuuvitha
OMASIKU 3-9 JULI
OMALIKO OKUZA MOOHAPU DHAKALUNGA | HESEKIEL 11–14
“Mbela owu na omutima hagu vulika?”
(Hesekiel 11:17, 18) “Onkee ya lombwela shoka ngame, Omuwa Omupangeliawike, tandi ti. Otandi ya kongolola ko kiilongo ayihe hoka nde ya halakanithile ko, notandi ke ya galulila kevi lyalsrael. 18 Uuna taa shuna, otaa ka kanyutuka ko kiimenka ayihe yi sitha ohoni noyi nyanyalitha.
Omanenedhiladhilo okuza membo lyaHesekiel ontopolwa 1:1–24:27
Mo 612 K.E.N., ombepo yaKalunga oya li ya fala Hesekiel memoniko kuJerusalem. Memoniko moka okwa li a mono iinima iinyanyalithi tayi ningilwa motempeli yaKalunga. Sho Jehova a li a tumu omatangakwiita ge gomegulu (ngoka taga thanekwa ‘kaalumentu yahamano’) opo ga tilile ondjahi ye kaashunimonima mboka, oomboka owala ya li ye na “endhindhiliko moshipala” ya li ya hupu po. (Hesekiel 9:2-6) Ihe tango ‘omakala ga hanya,’ sha hala okutya, etumwalaka lyaKalunga lya hanya lyehanagulo, olya li li na okuhalakanithwa noshilando. (Hesekiel 10:2) Nonando aakolokoshi Jehova ‘ote ke ya geelela shoka ya longo,’ okwa li u uvaneke okugongela Aaisraeli mboka ya li ya halakana. — Hesekiel 11:17-21.
(Hesekiel 11:19) Otandi ke ya pa omwenyo omupe nombepo ompe. Otandi ke ya kutha omutimamanya notandi ya pe omwenyo hagu vulika.
Oho ningi ngiini omatokolo gopaumwene?
9 Ngaashi Jesus, natse otatu vulu okuninga omatokolo omawanawa ngele otwe etha Jehova e tu wilike. Ombiimbeli otayi ti: “Inekela Omuwa nomutima gwoye aguhe noino igameka koondunge dhoye mwene. Mu tseya moondjila dhoye adhihe, nena oondjila dhoye ote dhi yelekanitha. Ino kala omunawino momeho goye mwene; tila Omuwa, gamuka kuuwinayi.” (Omayeletumbulo 3:5-7) Uuna tatu konakona Ombiimbeli nokwiilonga omukalo moka Jehova ha dhiladhila, otatu ka vula okumona kutya okwa hala tu ninge shike monkalo yontumba. Ngele otwa tsikile okwiilonga oshindji kombinga yankene Jehova ha dhiladhila, otashi ka kala oshipu kutse okuninga omatokolo ngoka tage mu nyanyudha. Kungawo, otatu ka kala tu na “omwenyo hagu vulika.” — Hesekiel 11:19.
(Hesekiel 11:20) Otaa ka vulika koompango dhandje nokudhiginina omautho gandje agehe. Otaa ka ninga aantu yandje, ongame note kala Kalunga kawo.
Konga omaliko gopambepo
(Hesekiel 12:26-28) Omuwa okwa lombwele ndje a ti: 27 “Muna gwomuntu, Aaisraeli otaa dhiladhila kutya omamoniko goye nomahunganeko goye oge li monakuyiwa. 28 Onkee ano ya lombwela kutya ngame, Omuwa Omupangeliawike, ote ti: ‘Kaku na nando ohapu yandje tayi gwile pevi. Shoka nda popi, otashi ka gwanithwa.’ Ongame, Omuwa Omupangeliawike nda popi.”
Omanenedhiladhilo okuza membo lyaHesekiel ontopolwa 1:1–24:27
12:26-28. Hesekiel okwa li a lombwelwa a lombwele nokuli mboka ya li taya sheke etumwalaka lye ta ti: “Kapu na nando ohapu [yaJehova] tayi gwile pevi.” Otu na okuninga ngaashi tatu vulu opo tu kwathele yalwe ya kale ye na einekelo muJehova omanga inaa hanagula po uuyuni mbuka.
(Hesekiel 14:13, 14) “Muna gwomuntu, ngele oku na oshilongo tashi yono noitashi inekele ndje, otandi ka taganeka okwooko kwandje nokuhanagula po olunza lwasho Iwiikulya. Otandi tumu ondjala, yi lye po aantu niimuna. 14 Nonando mu kale aalumentu mbaka yatatu, Noa, Daniel naJob, uuyuuki wawo otau hupitha oomwenyo dhawo adhike.” Omuwa Omupangeliawike oye a popi.
Mona uuwanawa momasiloshimpwiyu gaJehova
13 Pashiholelwa, Hesekiel 14:13, 14 otayi ti: “Ngele oku na oshilongo tashi yono noitashi inekele ndje, otandi ka taganeka okwooko kwandje nokuhanagula po olunza lwasho lwiikulya. Otandi tumu ondjala, yi lye po aantu niimuna. Nonando mu kale aalumentu mbaka yatatu, Noa, Daniel naJob, uuyuuki wawo otau hupitha oomwenyo dhawo adhike. Omuwa Omupangeliawike oye a popi.” Ngele otwa kongo uuyelele, otatu ka tseya kutya Hesekiel oohapu ndhoka okwe dhi nyola pwa pita omimvo 612 lwaampoka, manga Kristus inee ya. Noa naJob oya adhika ya sa nale pwa pita omimvo omathele, ihe Jehova okwa li natango a dhimbulukwa uudhiginini wawo. Ethimbo ndyoka Daniel okwa li e na natango omwenyo. Otashi vulika a li e na omimvo 20 lwaampono, sho Jehova a popi kutya oku li omuyuuki naanaa ngaashi Noa naJob. Oshike mbela tatu ilongo mwaashika? Otatu ilongo mo kutya Jehova oku wete nokwa lenga aapiya ye ayehe aadhiginini, mwa kwatelwa aagundjuka. — Episalomi 148:12-14.
Omanenedhiladhilo okuza membo lyaHesekiel ontopolwa 1:1–24:27
14:12-23. Oshi li oshinakugwanithwa shakehe gumwe pauhandimwe opo a ka hupithwe. Kapu na gumwe ngoka ta vulu oku shi tu ningila. — Aaroma 14:12.
Elesho lyOmbiimbeli
(Hesekiel 12:1-10) Omuwa okwa lombwele ndje a ti: 2 “Muna gwomuntu, owa kala mokati kaantu aanandumbo. Oye na omeho, ihe kaye wete ko; oye na omakutsi, ihe kayu uvite ko, oshoka oyo aatangalali. 3 “Muna gwomuntu, manga ngashingeyi omutenge wa fa ontauki e to piti mo komatango. Monika kwaayehe, sho to yi kehala lilwe. Otashi vulika aatangalali taye ku koneke. 4 Manga inaaku wiwila, manga omutenge gwoye okuya muupongekwa, opo ya wape ye ku mone. Ongulohi naye ku tongolole ihe, sho to yi wa fa to yi muupongekwa. 5 Manga ye ku tongolola, tsa ombululu mekuma lyongulu yoye e to pitile mo wa humbata omutenge gwoye. 6 Naye ku tongolole, sho to itsike omutenge noto zi mo wa uka momilema wi isiikila komeho, opo kuu mone ho wa uka. Shoka to ningi, otashi kala elondodho kAaisraeli.” 7 Onda ningi shoka Omuwa a lombwele ndje ndi shi ninge. Esiku ndyoka onda manga omutenge, ngaashi ontauki hayi ningi, nongulohi ndjoka sho taku luudha, onda tsu ombululu mekuma niikaha yandje e te piti mo. Manga ayehe ye shi tongolola, ondi itsike omutenge e te yi. 8 Ongula yanakwasha Omuwa okwa lombwele ndje a ti: 9 “Muna gwomuntu, ngashingeyi sho Aaisraeli mbaka aanandumbo taye ku pula shoka to ningi, 10 ya lombwela shoka tandi ya lombwele, ngame, Omuwa Omupangeliawike. Elaka ndika nali lombwelwe elenga ndyoka tali lele muJerusalem naantu ayehe ye li mo.
OMASIKU 10-16 JULI
OMALIKO OKUZA MOOHAPU DHAKALUNGA | HESEKIEL 15–17
“Oho gwanitha po ngaa omauvaneko goye?”
(Hesekiel 17:1-4) Omuwa okwa lombwele ndje a ti: 2 “Muna gwomuntu, lombwela Aaisraeli eyele ndika, 3 li ya tseyithile shoka ngame, Omuwa Omupangeliawike, tandi ya lombwele: Okwa li ku na ekodhi enenenene li na omalwenya go opala nomawawa omanene ga pakalala. Olya tuka kombanda yoondundu dhaLibanon e tali teya ko ondungu yomusendeli 4 nolye yi fala koshilongo shokuhalitha e tali yi tula moshilando shaanangeshefa.
Omanenedhiladhilo okuza membo lyaHesekiel ontopolwa 1:1–24:27
17:1-24 (Yelekanitha OB-1954.) — Oontsa oonene mbali odho oolye, nongiini ondungu yomusendeli ya li ya tewa ko, nolye “okatayi opo ka tsapuka” hoka ka li ka tsikwa kuJehova? Oontsa ndhoka mbali otadhi thaneke aapangeli yaBabilonia naEgipiti. Ontsa yotango oya li ya nambele kondungu yomusendeli, ngoka tagu thaneke omupangeli a za mezimo lyaDavid. Ontsa ndjika oya li ya teya ko ondungu yomusendeli mokupingena po omukwaniilwa Jojakin gwaJuda naSedekia. Nonando Sedekia okwa li a ningi egano lyokukala omudhiginini muJehova, okwa li a ka konga ekwatho kontsa yilwe, omupangeli gwaEgipiti, ihe shika inashi kwatha sha. Okwa li ta ka falwa muupika nokusila muBabilonia. Jehova okwa li wo a teya ko “okatayi opo ka tsapuka,” hoka taka thaneke omukwaniilwa gwopaMesiasa. Okatayi hoka oka li ka tsikwa ‘kondundu ondeendeka,’ sha hala okutya, kondundu yaSioni yomegulu hoka taka ka ninga “omusendeli gwo opala” ngoka okupitila muko evi alihe tali ka lalekwa nuuyamba. — Ehololo 14:1.
(Hesekiel 17:7) “Okwa li ishewe ekodhi ekwawo li na omawawa omanene nomalwenya ga thita. Omuviinu ogwa taandeleke iitayi yagwo lwokulyo, nomafo gagwo oga taalela kulyo, opo li gu tekele nawa shi vule omeya gomoshikunino.
(Hesekiel 17:15) Ihe omukwaniilwa gwaJuda okwa tsu ondumbo e ta tumu aatumwa kuEgipiti, ya ka tale ko uukambe nomatanga omanene giita. Ote shi vulu tuu? Ota hunuka mo ngaa? Ita vulu okuyona ehangano lyawo e ta kala inaa geelwa!
Omanenedhiladhilo okuza membo lyaHesekiel ontopolwa 1:1–24:27
17:1-24 (Yelekanitha OB-1954.) — Oontsa oonene mbali odho oolye nongiini ondungu yomusendeli ya li ya tewa ko, nolye “okatayi opo ka tsapuka” hoka ka li ka tsikwa kuJehova? Oontsa ndhoka mbali otadhi thaneke aapangeli yaBabilonia naEgipiti. Ontsa yotango oya li ya nambele kondungu yomusendeli, ngoka tagu thaneke omupangeli a za mezimo lyaDavid. Ontsa ndjika oya li ya teya ko ondungu yomusendeli mokupingena po omukwaniilwa Jojakin gwaJuda naSedekia. Nonando Sedekia okwa li a ningi egano lyokukala omudhiginini muJehova, okwa li a ka konga ekwatho kontsa yilwe, omupangeli gwaEgipiti, ihe shika inashi kwatha sha. Okwa li ta ka falwa muupika nokusila muBabilonia. Jehova okwa li wo a teya ko “okatayi opo ka tsapuka,” hoka taka thaneke omukwaniilwa gwopaMesiasa. Okatayi hoka oka li ka tsikwa ‘kondundu ondeendeka,’ sha hala okutya, kondundu yaSioni yomegulu hoka taka ka ninga “omusendeli gwo opala” ngoka okupitila muko evi alihe tali ka lalekwa nuuyamba. — Ehololo 14:1.
(Hesekiel 17:18, 19) Okwa yono egano lye nehangano e li hangana. Ayihe mbika okwe yi ningi, noita ka hunuka we.” 19 Omuwa Omupangeliawike ota ti: “Oshili ngaashi ngame Kalunga omunamwenyo, otandi ke mu geela, sho a yono ehangano ndyoka a ganene medhina lyandje, e li dhiginine.
Oeeno yoye nayi tye eeno
11 Omolwashike Jehova a nyolitha mOmbiimbeli iiholelwa mbyoka twa zi nokukundathana? Omolwashike sha simana noonkondo oeeno yetu yi tye eeno? Ombiimbeli otayi londodha kutya aantu mboka ye li “aayoni yomauvathano” oye li yamwe yoomwaamboka yi “ilongela eso.” (Rom. 1:31, 32) Farao gwaEgipiti, omukwaniilwa gwaJuda Sedekia nosho wo Ananias naSafira oye li yamwe yomiiholelwa iiwinayi mbyoka ya tumbulwa mOmbiimbeli, mboka oeeno yawo inaayi tya eeno. Iinima oya li ye ya endele nayi, naashoka oshi li elondodho kutse kaatu landule iiholelwa yawo. — Eks. 9:27, 28, 34, 35; Hes. 17:13-15, 19, 20; Iil. 5:1-10.
w88-E 9/15 ep. 17, okat. 8
Jehova okwa pweya mo egongamwele lye!
8 Konima aapangeli yaBabilonia noyaEgipiti oya ka faathanithwa noontsa oonene. Yimwe oya teya po ondungu yiitayi yomuti gwomusendeli sho yu umbu ko omukwaniilwa Jehoakim koshipundi e ta yi tula ko Sedekia. Nonando Sedekia okwa li omudhiginini kegano ndyoka a li a ningi naNebukadnezzar, konima okwe li teya sho a kongo ekwatho komupangeli gwaEgipiti, ngoka naye a li ontsa onene. Ando Sedekia okwa li inaa gana medhina lyaKalunga sho a ningi egano ndyoka, ando ina nyatekitha edhina lyaJehova, sho e li teya. Otu na okuhenuka oshinima kehe shoka tashi vulu okunyatekitha Jehova, ngaashi okupopya iifundja. Otu na uuthembahenda wokuuvitha edhina lyaJehova tu li Oonzapo dhe. — Hesekiel 17:1-21.
Konga omaliko gopambepo
(Hesekiel 16:60) Ihe ngame otandi dhiginine ehangano nde li hangana nangoye, manga wa li omugundjuka, notandi ka hangana nangoye ehangano lyaaluhe.
w88-E 9/15 ep. 17, okat. 7
Jehova okwa pweya mo egongamwele lye!
7 Aajuda oya li ya faathanithwa nomuti gwomuviinu gwomiihwa molwaashoka kaya li aadhiginini, ngoka ihaagu imi iiyimati iiwanawa, nogwa li owala gu na okufikwa po momulilo. (Hesekiel 15:1-8) Juda osha li wo sha faathanithwa nokahanona hoka ka hupithwa kuKalunga miikaha yAaegipiti noku ka tekula sigo ka ningi okakadhona. Jehova okwe shi ningi, omuukiintu gwe, ihe oshe ke mu iteeka e tashi ka longela iikalunga, kungawo osha yela kutya Juda osha li tashi ka hanagulwa po, molwaashoka inashi yela meityo lyopathaneko. Onkee ano, Kalunga okwa ka ‘hangana ehangano lyaaluhe’ naIsraeli shopambepo. — Hesekiel 16:1-63; Jeremia 31:31-34; Aagalati 6:16.
(Hesekiel 17:22, 23) Omuwa Omupangeliawike ota popi ta ti: “Otandi ka kutha ondungu yomusendeli, okatayi opo ka tsapuka tandi ke ka teya; otandi ka tsike kondundu onde, 23 okondundu ondeendeka yalsrael. Otaka ka tsapuka iitayi e taka imi e taka ningi omusendeli gwa opala. Oondhila dhomaludhi agehe otadhi gongalele mo, tadhi kala momuzile gwagwo.
Omanenedhiladhilo okuza membo lyaHesekiel ontopolwa 1:1–24:27
17:1-24 (Yelekanitha OB-1954.) — Oontsa oonene mbali odho oolye, nongiini ondungu yomusendeli ya li ya tewa ko, nolye “okatayi opo ka tsapuka” hoka ka li ka tsikwa kuJehova? Oontsa ndhoka mbali otadhi thaneke omupangeli gwaBabilonia nogwaEgipiti. Ontsa yotango oya li ya nambele kondungu yomusendeli, ngoka tagu thaneke omupangeli a za mezimo lyaDavid. Ontsa ndjika oya li ya teya ko ondungu yomusendeli mokupingena po omukwaniilwa Jojakin gwaJuda naSedekia. Nonando Sedekia okwa li a ningi egano lyokukala omudhiginini muJehova, okwa li a ka konga ekwatho kontsa yilwe, omupangeli gwaEgipiti, ihe shika inashi kwatha sha. Okwa li ta ka falwa muupika nokusila muBabilonia. Jehova okwa li wo a teya ko “okatayi opo ka tsapuka,” hoka taka thaneke omukwaniilwa gwopaMesiasa. Okatayi hoka oka li ka tsikwa ‘kondundu ondeendeka,’ sha hala okutya, kondundu yaSioni yomegulu hoka taka ka ninga “omusendeli gwo opala” ngoka okupitila muko evi alihe tali ka lalekwa nuuyamba. — Ehololo 14:1.
Elesho lyOmbiimbeli
(Hesekiel 16:28-42) “Mbeyaka sho inaaye ku kutha omwamwa, owa yi kAayassur. Owa hondelwa kuyo, ihe inaye ku ulula. 29 Owa ka hondelwa kAababilonia, oshigwana shaahalithi, ihe inaye ku kutitha.” 30 Omuwa Omupangeliawike ota ti: “Ayihe mbika owe yi ningi wa fa ohonda yaa na ohoni. 31 Momapandaanda agehe owa tungile mo omahala giinonoma nogokuhondelelwa. Ihe owa hokwa oluhondelo ngaashi ohonda. 32 Owa fa omukulukadhi ta lalwa naye kaakwiilongo peha lyomulume. 33 Aahondelwa ohaa futwa, ihe ngoye owa gondo aahondeli yoye, nowe ya pe oombumbo, opo ya kongomoke akuhe, ye ye ya lale nangoye. 34 Mokuhondela kwoye owa pilike omikalo dhaakiintu. Kape na ngoka e ku thiminike, u shi ninge. Ino gondwa, ongoye wa gondo! Eeno, owi ili shili!” 35 Jerusalem, nakuhondelwa ngoye, uva ngashingeyi shoka Omuwa ta popi. 36 Omuwa Omupangeliawike ota popi ta ti: “Owi iyanuna oonguwo nowi igandja kaasamane aaholi yoye nokiimenka yoye yi nyanyalitha. Owa dhipaga aamwoye e to ya saagelele iimenka. 37 Molwiinima mbika otandi ka gongela aaholi yoye — mboka u hole naamboka u tonde. Otandi ke ya eta ye ku tule mekondeka, e tandi ku hula iiteta e taa tala epenge lyoye. 38 Otandi ke ku pangulila oluhondelo nedhipago, nomuupyundjahi wandje otandi ke ku geela neso. 39 Otandi ke ku gandja miikaha yawo, notaa ka hanagula po omahala mpoka wa hondelelwa nokusaagela iimenka. Otaa ka kutha omizalo niipako yoye notaye ku thigi u li omudhu. 40 “Otaa sikumudha ongundu yaantu ye ku dhenge nomamanya e taye ku tetagula iintimbu nomagongamwele gawo. 41 Otaa ka fika po omagumbo goye, noongundu dhaakiintu otadhi tala egeelo lyoye. Otandi hulitha po okuhondelwa kwoye notandi ku keelele, waa gandje we iigonda kaahondeli yoye. 42 Ondjahi yandje otayi ka lota ihe, e tandi ngungumana. Itandi ka geya we nenge ndi se uukodhi.
OMASIKU 17-23 JULI
OMALIKO OKUZA MOOHAPU DHAKALUNGA | HESEKIEL 18–20
“Mbela Jehova oha dhimbulukwa omayono ngoka a dhima po?”
(Hesekiel 18:19, 20) “Ihe ne otamu pula tamu ti: ‘Omolwashike omwana inaa hepekwa omoluulunde wahe?’ Eyamukulo olyo ndika kutya omwana okwa ningi shoka shu uka nosho opala. Okwa vulika kiipango yandje ayihe e te yi dhiginine nawa. Onkee ta kala shili e na omwenyo. 20 Ngoka ta yono, oye e na okusa. Omwana ita hepekelwa uulunde wahe, nahe ita geelelwa uulunde womwana. Omuyuuki ota galulilwa uuwanawa molwiilonga ye iiwanawa, ihe omukeenakalunga ota geelelwa uuwinayi e u ningi.
Ngele Kalunga okwe ku dhimine po, mbela oha dhimbwa?
Jehova okwa li a longitha Hesekiel e li omupopikalelipo gwe, a popye kombinga yepangulo ndyoka tali ka adha aantu muJuda naJerusalem mboka ya li kaaye shi we aadhiginini. Oshigwana ashihe osha li she etha po okulongela Jehova noshilongo osha li shu udha uukolokoshi. Jehova okwa li a hunganeke kutya Jerusalem otashi ka hanagulwa po kAababiloni. Ihe naasho a tseyitha epangulo ndyoka, okwa li a gandja etumwalaka lyetegameno. Kehe gumwe pauhandimwe okwa li e na okuninga etokolo nokwa li e na okukalela po iilonga ye. — Ovelise 19, 20.
(Hesekiel 18:21, 22) “Omukeenakalunga ngele ote etha uulunde we e ta dhiginine iipango yandje, ngele ota longo shoka shu uka nosho opala, ita ka sa; ota kala e na omwenyo. 22 Uulunde we otau dhimwa po; nota kala e na omwenyo, oshoka okwa ningi shoka shu uka.
Ngele Kalunga okwe ku dhimine po, mbela oha dhimbwa?
Ihe ongiini ngele gumwe okwe etha po okulonga uuwinayi e ta longo uuwanawa? Jehova okwa popi a ti: “Omukeenakalunga ngele ote etha uulunde we e ta dhiginine iipango yandje, ngele ota longo shoka shu uka nosho opala, ita ka sa; ota kala e na omwenyo.” (Ovelise 21) Eeno, Jehova okwi ilongekidha ‘okudhimina po’ omulunde ngoka e etha iilonga ye yonale notu ulike shili kutya okwi itedhulula. — Episalomi 86:5.
Ongiini kombinga yuulunde mboka a longa? Jehova ota ti: “Omayono agehe ngoka a yona, itaga ka dhimbulukiwa we.” (Ovelise 22, NW) Ndhindhilika kutya omayono gaangoka i itedhulula “itaga ka dhimbulukiwa we.” Omolwashike shino sha simana?
Oshitya shOshihebeli shoka sha tolokwa mOmbiimbeli “dhimbulukwa” itashi ti owala okudhimbulukwa onakuziwa. Embo limwe lyomauyelele olya popi kombinga yoshitya shika lya ti: “Olundji, ohashi ulike kiilonga tayi longwa nenge to adha sha longithwa pamwe niityalonga.” Onkee ano, “okudhimbulukwa” otashi vulu okutolokwa “okukatuka onkatu.” Ano uuna Jehova ta lombwele omuyoni ngoka i itedhulula kutya omayono ge “itaga ka dhimbulukiwa we,” ota ti kutya ita ka katukila omuntu ngoka onkatu omolwoondjo dhe opo ando e mu geele.
Oohapu dhaHesekiel 18:21, 22 otadhi tu ulukile momukalo tagu inyengitha omutima kutya Kalunga oha dhimine po thiluthilu. Uuna Jehova e tu dhimina po, ke na esiku e ke tu geele monakuyiwa omolwomayono ngoka. Pehala lyaashono, ohu umbile konima ye omayono gomuntu ngoka i itedhulula. (Jesaja 38:17) Oha dhimi po oondjo adhihe ndhoka twa yona. — Iilonga 3:19.
Tu li aantu inaatu gwanenena, otwa pumbwa esilohenda lyaKalunga, molwaashoka ohatu yono olundji. (Aaroma 3:23) Ihe Jehova okwa hala tu kale tu shi kutya ngele otwi itedhulula tashi zi komutima, ote ke tu dhimina po. Nongele okwe tu dhimine po, oha dhimbwa, ano tu tye, ke na esiku a ka kongolole omayono getu gonale opo ando e tu geele. Shoka itashi hekeleke tuu! Mbela ohenda yaKalunga itayi ku inyengitha wu kale wa hala okuhedha popepyeelela naye?
(Hesekiel 18:23) Ondi nyanyukilwe ando eso lyomukeenakalunga?” Osho Omuwa Omupangeliawike ta pula. “Aawe, ihe onda hala, i itedhulule, opo a kale e na omwenyo.
(Hesekiel 18:32) Omuwa Omupangeliawike ota ti: “Ngame itandi nyanyukilwa eso lyomuntu. Itedhululeni, opo mu kale mu na omwenyo.”
Armagedon — Iita yaKalunga mbyoka tayi ka hulitha po iita ayihe
Molwaashoka Kalunga oye Omupanguli, otu na uushili kutya sho ta ka pangula aakolokoshi ota ka longitha uuyuuki. Abraham okwa li a pula a ti: “Omupanguli guuyuni auhe ita longo ando pauyuuki?” Eyamukulo ndyoka Abraham a li a mono olyo kutya Jehova omuyuuki aluhe. (Genesis 18:25) Ombiimbeli otayi tu shilipaleke natango kutya Jehova iha nyanyukilwa okuhanagula po aakolokoshi, ihe ohe shi ningi owala ngele itayi itedhulula. — Hesekiel 18:32; 2 Petrus 3:9.
Okuhola omukweni otashi ti shike?
11 Omukalo gumwe gwa dhanga mbanda moka tatu vulu okuulukila mboka ihaaya longele Kalunga ohole, omoku holela Jehova. Nonando Kalunga iha hokwa uukolokoshi, ohu ulukile aantu ayehe uuwanawahenda moku ya pa ompito yi itedhulule koondjila dhawo oombwinayi opo ya ka mone omwenyo gwaaluhe. (Hesekiel 18:23) Jehova “okwa hala aantu ayehe ye ethe uulunde wawo.” (2 Petrus 3:9) Okwa hala “aantu ayehe ya hupithwe noya tseye oshili.” (1 Timoteus 2:4) Omolwetompelo ndyoka, Jesus okwa li a lombwele aalanduli ye ye ku uvithe ‘nokuninga aantu ayehe aalongwa.’ (Mateus 28:19, 20) Ngele tatu kutha ombinga moshilonga shoka, otatu ulike kutya otu hole Kalunga nosho wo aantu ooyakwetu nokuli naatondi yetu.
Konga omaliko gopambepo
(Hesekiel 18:29) Ne Aaisraeli otamu ti: ‘Shoka Omuwa ta ningi, inashi uka nando.’ Otamu dhiladhila kutya omukalo gwandje inagu uka? Ndishi ne one kaamu li mondjila.
Ino ‘Geyela Nando Jehova’
9 Katu na uushili wi ihwa po. Omolwokwaahe na uushili wi ihwa po, Aaisraeli pethimbo lyaHesekiel oya li yu uvite kutya omukalo gwaJehova kagwa li ‘gu uka.’ (Hes. 18:29) Oya fa ya li yi iningi aapanguli yaKalunga, taya tula omithikampango dhawo yene dhuuyuuki komeho gaandhoka dhaJehova noku mu pangula shi ikolelela kontseyo yawo onshona ndjoka ya li ye na kombinga yiiningwanima. Ngele omathimbo gamwe ohatu kala kaatu uvite ko nawa omahokololo gOmbiimbeli nenge omukalo gwankene iiningwanima yontumba ya ningwa monkalamwenyo yetu, mbela otashi vulika tu kale tu uvite momitima dhetu kutya omukalo gwaJehova kagu li nawa, ano ‘inaagu uka’? — Job 35:2.
(Hesekiel 20:49) Ngame onda ti: “Akwetse, Omuwa Omupangeliawike! Otaa popi ndje taa ti: ‘Ota popi ashike ootumbutumbu.’”
Omanenedhiladhilo okuza membo lyaHesekiel ontopolwa 1:1–24:27
20:1, 49. Eyamukulo lyaawiliki yaIsraeli olyu ulike kutya oya li ya limbilikwa kwaashoka Hesekiel a li a popi. Ihe katu na nando okukala twa limbililwa omalondodho gaKalunga.
Elesho lyOmbiimbeli
(Hesekiel 20:1-12) Esiku etimulongo lyomwedhi omutitano gwomumvo omutiheyali gwomuupongekwa, aawiliki yalsrael yamwe oye ya kungame, ya pule ndje ehalo lyaKalunga, oyo noya kuutumba komeho gandje. 2 Omuwa okwa lombwele ndje a ti: 3 “Muna gwomuntu, lombwela aantu mboka noku ya hokololela shoka ngame, Omuwa Omupangeliawike, tandi popi te ti: Omwe ya okupula ehalo lyandje, ndishi? Oshili ngaashi ngame Kalunga omunamwenyo, itandi pitika, mu pule ndje sha. Ngame, Omuwa Omupangeliawike, nda popi. 4 “Muna gwomuntu, owa hala oku ya pangula? Shi ninga ano. Ya dhimbulutha iinima iinyanyalithi ya ningwa koohekulu. 5 Ya lombwela shoka tandi ti. Sho nda hogolola Israel, onde ya uvanekele euvaneko. Onde ya ihololele muEgipiti e tandi ya lombwele: ongame Omuwa Kalunga keni. 6 Onde ya uvanekele, ndi ya tembudhe mo muEgipiti, ndi ya fale kevi nde li ya hogololela lya tondoka omahini nomagadhi goonyushi, evi ewanawalela. 7 Onde ya lombwele, ya ekelehi iimenka mbyoka yi nyanyalitha ye yi hole, opo yaa inyateke niikalunga yiifundja yaEgipiti, oshoka ongame Omuwa Kalunga kawo. 8 Ihe oya tsu ondumbo nangame noya tindi okupulakena. Inaa ekelahi iimenka yawo yi nyanyalitha nenge ya ethe iikalunga yaEgipiti. Onda dhiladhila oku ya hwamena nondjahi yandje muEgipiti. 9 Ihe inandi shi ninga, opo ndaa sithe edhina lyandje ohoni montaneho yaantu mboka ya kala mokati kawo, sho nda li nda lombwele Israel kutya otandi ya tembudha mo muEgipiti. 10 “Onde ya tembudha mo nonde ya eta mombuga, 11 moka nde ya pe iipango yandje noku ya longa omautho gandje ngoka taga gandja omwenyo kushaa ngoka ta vulika kugo. 12 Onda ningi eyapulo lyEsabati endhindhiliko pokati ketu nayo, opo li ya dhimbuluthe kutya ongame, Omuwa, tandi ya yapula.
OMASIKU 24-30 JULI
OMALIKO OKUZA MOOHAPU DHAKALUNGA | HESEKIEL 21–23
“Uukwaniilwa otawu pewa ngoka a hogololwa”
(Hesekiel 21:25) “Muleli ngoye omukeenakalunga gwalsrael, ngoka wi inyateka, esiku lyegeelo lyoye lyahugunina olya thikana.
Omanenedhiladhilo okuza membo lyaHesekiel ontopolwa 1:1–24:27
Momumvo omutiheyali gwuupongekwa, mo 611 K.E.N., aawiliki yaIsraeli yamwe oya li ye ya kuHesekiel ‘ye mu pule ehalo lyaKalunga.’ Okwa li e ya lombwele ondjokonona onde yuunashipotha waIsraeli nokwe ya londodha kutya ‘Jehova ote ke ya pweyela mo egongamwele lye.’ (Hesekiel 20:1; 21:3) Jehova okwa li a lombwele omuleli gwaIsraeli (Sedekia) ta ti: “Ihula oshishani, kutha ko egala. Itashi ka kala we ngaaka. Omufupi ota nenepekwa, nomunene ota fupipikwa. Omakulukuma, omakulukuma! Otandi ningi oshilando omakulukuma. Ihe shika itashi ningwa, sigo ngoka tandi hogolola [Jesus Kristus] a geele oshilando, a thiki. Nena otandi shi mu pe.” — Hesekiel 21:26, 27.
(Hesekiel 21:26) Ongame, Omuwa Omupangeliawike, nda popi. Ihula oshishani, kutha ko egala. Itashi ka kala we ngaaka. Omufupi ota nenepekwa, nomunene ota fupipikwa.
Oya li ya tegelela Mesiasa
6 Mesiasa okwa li e na okuvalwa kOmuisraeli, gwomezimo lyaJuda. Sho tatekulululwa Jakob a li ta yambeke oyana sho e li pokusa, okwa hunganeke a ti: “Ondhimbo yuukwaniilwa itayi zi mo muJuda nepangelo moluvalo lwe, sigo taku ya [Silo, NW] ngoka te li pewa, ngoka iigwana tayi vulika kuye.” (Gen. 49:10) Aalongwantu Aajuda oyendji yonale oya li ya popi kutya oohapu ndhoka dhaJakob otadhi ulike kuMesiasa. Okuza pethimbo lyokupangela kwOmukwaniilwa David, ondhimbo yuukwaniilwa ndjoka tayi ulike (kuuthemba wokupangela) nosho wo epangelo (uuthemba wokugandja omalombwelo) oya kala yi niwe kaakwaniilwa yomezimo lyaJuda. “Silo” otashi ti: “Ngoka te wu pewa; ngoka ta wu ka ninga we.” Ezimo lyaakwaniilwa yaJuda olya li tali ka hulila ‘muSilo’ ngoka oye Omuthigululi gwuukwaniilwa sigo aluhe, molwaashoka Kalunga okwa li a lombwele Sedekia, omukwaniilwa gwahugunina gwaJuda kutya epangelo otali ka pewa ngoka e na uuthemba woku li pewa. (Hes. 21:26, 27) Konima yaSedekia, Jesus oye owala gwomezimo lyaDavid a li u uvanekelwa okupewa uukwaniilwa. Omanga inaa valwa, omuyengeli Gabriel okwa li a lombwele Maria a ti: “Omuwa Kalunga ote mu ningi omukwaniilwa ongaashi he David. Oye ta ningi omukwaniilwa gwoluvalo lwaJakob sigo aluhe; nuukwaniilwa we kau na mpoka tau ka hula po.” (Luk. 1:32, 33) Silo oku na okukala Jesus Kristus, ngoka a za moluvalo lwaDavid gwomezimo lyaJuda. — Mat. 1:1-3, 6; Luk. 3:23, 31-34.
(Hesekiel 21:27) Omakulukuma, omakulukuma! Otandi ningi oshilando omakulukuma. Ihe shika itashi ningwa, sigo ngoka tandi hogolola a geele oshilando, a thiki. Nena otandi shi mu pe.”
Kala wu na eitaalo lya kola mUukwaniilwa waKalunga
14 Jehova okwa li u uvanekele omukwaniilwa David gwaIsraeli shonale oshinima shontumba. Euvaneko ndyoka okwe li ningi okupitila mehangano naDavid. (Lesha 2 Samuel 7:12, 16.) Jehova okwa ningi ehangano ndika naDavid pethimbo lyelelo lye muJerusalem, sho e mu uvanekele kutya Mesiasa ota ka za moluvalo lwe. (Luk. 1:30-33) Kungeyi Jehova okwa gandja uuyelele wokondandalunde kombinga yoluvalo nokukoleka kutya omwana gwaDavid oye ‘ngoka a hogololwa’ a ka kuutumbe koshipangelapundi shUukwaniilwa wopaMesiasa. (Hes. 21:25-27) Uukwaniilwa waDavid ‘otawu kala’ sigo aluhe kohi yelelo lyaJesus. David ‘ota ka kala aluhe e na oluvalo, nepangelo lye otali ka kala ko, manga etango li li ko tali minikile.’ (Eps. 89:34-37) Epangelo lyopaMesiasa itali ka longa nando uulingilingi, niilonga yalyo otayi ka kalelela.
Konga omaliko gopambepo
(Hesekiel 21:2c, 3) Londodha oshilongo Isreal kutya ongame, Omuwa, tandi ti: Ngame omutondi gwoye. Otandi pweya mo egongamwele lyandje e tandi mu dhipaga po amuhe, aawanawa naawinayi sha faathana.
Omanenedhiladhilo okuza membo lyaHesekiel ontopolwa 1:1–24:27
21:3 — “Egongamwele” ndyoka Jehova a li a pweya mo olyo shike? “Egongamwele” ndyoka Jehova a li a longitha okupangula Jerusalem naJuda olyo omukwaniilwa Nebukadnezzar gwaBabilonia pamwe nomatangakwiita ge. Otashi vulika wo lya li lya kwatela mo oshitopolwa shehangano lyaJehova lyomegulu lya thikama po miishitwa iinankondo yopambepo.
(Hesekiel 23:49) Ne aamwayinathana, otandi mu geelele oluhondelo lweni nuulunde weni wokusimaneka iimenka. Notamu ka tseya kutya ongame Omuwa Omupangeliawike.”
Omanenedhiladhilo okuza membo lyaHesekiel ontopolwa 1:1–24:27
23:5-49. Uukuume wopapolotika mboka wa li wa pangwa kAaisraeli nokAajuda niigwana yilwe owe ya fala mokulongela iikalunga yiigwana mbyoka. Natu kotokeleni okupanga uukuume naakuuyuni hoka taku vulu okuyona po eitaalo lyetu. — Jakob 4:4.
Elesho lyOmbiimbeli
(Hesekiel 21:1-13) Omuwa okwa lombwele ndje a ti: 2 “Muna gwomuntu, lombwela Jerusalem. Hunganekela omahala agehe moka aantu haa gongala komambo. Londodha oshilongo Israel 3 kutya ongame, Omuwa, tandi ti: Ngame omutondi gwoye. Otandi pweya mo egongamwele lyandje e tandi mu dhipaga po amuhe, aawanawa naawinayi sha faathana. 4 Otandi ka ukitha egongamwele lyandje kushaa ngoka gwokuumbangalantu sigo okuumbugantu. 5 Shaa ngoka ota ka tseya kutya ongame, Omuwa, nda pweya mo egongamwele lyandje noitandi li shuna mo we. 6 “Muna gwomuntu, yematela montaneho yawo u na omutima gwa nyanyagulwa nogwa sa oluhodhi olunene. 7 Ngele taye ku pula omolwashike wa yemata, ya lombwela kutya omolwonkundana ndjoka tayi ya. Uuna tayi thiki, omitima dhawo otadhi ka haluka kuumbanda, iikaha yawo otayi ka endjelela komvulwe, omukumo gwawo gwa tyololoka, noongolo dhawo tadhi kakama. Esiku lya thiki; lye ya.” Omuwa Omupangeliawike a popi. 8 Omuwa okwa lombwele ndje a ti: “Muna gwomuntu, hunganeka. Lombwela aantu shoka ngame, 9 Omuwa, tandi popi. Egongamwele, egongamwele olya tsa nolya yagwa. 10 Olyu upikwa lya tsa li dhipage, lya yagwa li tayime ngolwaadhi. Itaku kala we enyanyu. Oshigwana shandje osha dhina elondodho negeelo. 11 Egongamwele olya yagwa, olyu upikilwa iilonga. Olya tsa lya yagwa, li kale meke lyomudhipagi. 12 Muna gwomuntu, kololoka, u yemate. Egongamwele ndika lyu uka aantu yandje naawiliki ayehe yalsrael. Ayehe otaa ka dhipagwa po pamwe noshihupe ashihe shaantu yandje. Ikwata ombandamutse meihupulo! 13 Otandi yeleke aantu yandje. Ngele taa tindi okwiitedhulula, mbika ayihe otayi ke ya ningilwa.
OMASIKU 31 JULI–6 AUGUSTE
OMALIKO OKUZA MOOHAPU DHAKALUNGA | HESEKIEL 24–27
“Ehunganeko kombinga yaTiro otali koleke einekelo lyetu mOmbiimbeli”
(Hesekiel 26:3, 4) “Ngashingeyi ngame, Omuwa Omupangeliawike, otandi ti: Shilando Tiro, ngame omutondi gwoye. Otandi ka eta iigwana oyindji, yi ku ponokele; otayi ya ya fa omakuthikuthi gefuta. 4 Otaa ka kumuna po omakuma goshilando shoye notaa hanagula po ooshungo dhoye. Opo ihe tandi ka komba po ontsi ayihe e tandi thigi po omamanya ga kwehuka.
si-E ep. 133, okat. 4
Omanenedhiladhilo okuza membo lyaHesekiel
4 Uumbangi wumwe ishewe otawu adhika mehunganeko lyaHesekiel ndyoka lya li lya gwanithilwa iishiindalongo ngaashi Tiro, Egipiti naEdom. Pashiholelwa, Hesekiel okwa li a hunganeke kutya Tiro otashi ka hanagulwa po, naashoka osha li sha gwanithwa sho Nebukadnezzar a ka kwata ko oshilando shoka konima sho a kala e shi kondeka uule womimvo 13. (Hes. 26:2-21) Shoka itashi ti kutya Tiro osha li sha hanagulwa po. Ihe Jehova okwa li e shi tokolele kutya otashi ka hanagulwa po thiluthilu. Okwa li a hunganeke okupitila muHesekiel a ti: ‘Otandi ka komba po ontsi ayihe e tandi thigi po omamanya ga kwehuka. Otaa ka kutha po oondhopi, iipilangi niitandu ayihe noku yi ninginitha mefuta.’ (Hes. 26:4, 12) Iinima ayihe mbyoka oya ka gwanithwa konima yomimvo dhi vule po 250 sho Alexander Omunene a ka hanagula po okatuntu kaTiro. Aakwiita ye oya li ya longitha iikulukuma yoshilando shaTiro e taye yi umbile mefuta uule woometa 800, opo ya ninge ondjila yokuya kokantuntu kaTiro. Opo ya londe ekuma lyoshilando ndyoka lya li li na uule woometa 46, oya li ye na okukonga ondunge noku shi sinda mo 332 K.E.N. Aantu omayuvi oya li ya dhipagwa noyendji oya li ya landithwa po muupika. Hesekiel okwa li wo a hunganeke kutya Tiro otashi ka ninga “emanya ethenu, mpoka aayuli yoohi taa aneke iiyulitho yawo yoohi.” (Hes. 26:14) Shi na ko nasha nEvi lyEuvaneko, Jehova okwa li a hanagula po Aaedom, molwaashoka kaya li aadhiginini, naashoka osha li sha gwanitha po ehunganeko lyaHesekiel. (Hes. 25:12, 13; 35:2-9) Shimwe ishewe, ehunganeko lyaHesekiel li na ko nasha nokuhagulwa po kwaJerusalem nosho wo okutungululwa kwaIsraeli, olya li lya gwanithwa shili. — Hes. 17:12-21; 36:7-14.
(Hesekiel 26:7-11) Omuwa Omupangeliawike ota ti: “Otandi ka tala omukwaniilwa omunene kwaayehe — omukwaniilwa gwaBabilonia Nebukadnezzar — a homone Tiro. Ote ya ziilile kuumbangalantu netangakwiita enene li na aakayilinkambe. 8 Oomboka ya kala momikunda dhokooha dhefuta, otaa ka dhipagelwa molugodhi. Aatondi otaa fulu omikanka, otaa tungu omutuni gwekondekela e taye ku yeluthile omahuuyanza ye ku kondjithe. 9 Otaa ka nyanyula omakuma goye niikumunithi yomakuma notaa hanagula po ooshungo dhoye niitago yiiyela. Oshikogo shontsi ya tukulwa kuukambe wawo, otashi ku kwidhidhike. 10 Oshihomo shuukambe wawo tau hili omatemba nomatembakwiita, otashi ka kakamitha omakuma goye, nge taa pitile miiyelo yomakulukuma goshilando shoye. 11 Aakayilinkambe yawo otaa mbolokotele momapandaanda goye, taa dhipaga aantu yoye nomagongamwele. Oongudhi dhoye oonene otadhi ka undulilwa pevi.
ce-E ep. 216, okat. 3
Mbela Ombiimbeli oya nwethwa mo ngaa shili kuKalunga?
3 Tiro osha li oshilando oshiyamba shi li komukulofuta gwaFoinikia nosha li shu ungaunga nonyanya naIsreali shonale. Jehova okwa popi okupitila momuhunganeki Hesekiel kutya Tiro osha li tashi ka hanagulwa po thiluthilu, omanga ku na omimvo dhi vulithe 250 shoka shi ningwe. Jehova okwa ti: ‘Otandi ka eta iigwana oyindji. Otaa ka kumuna po omakuma goshilando shoye [Tiro] notaa hanagula po ooshungo dhoye. Opo ihe tandi ka komba po ontsi ayihe e tandi thigi po omamanya ga kwehuka. Aayuli yoohi otaa ka aneka po iiyulitho yawo pontuntu mpoka wa li.’ Hesekiel okwa li wo a tumbula komeho yethimbo oshigwana shotango nomuwiliki gwasho shoka sha li tashi ka ponokela Tiro a ti: “Otandi ka tala omukwaniilwa omunene kwaayehe — omukwaniilwa gwaBabilonia Nebukadnezzar — a homone Tiro.” — Hesekiel 26:3-5, 7.
(Hesekiel 26:4) Otaa ka kumuna po omakuma goshilando shoye notaa hanagula po ooshungo dhoye. Opo ihe tandi ka komba po ontsi ayihe e tandi thigi po omamanya ga kwehuka.
(Hesekiel 26:12) Aatondi yoye otaye ki ikutha ko nuuyamba woye niipindikwa yoye. Otaa ka undulila omakuma goye pevi e taa mbonyona po omagumbo goye guuyamba. Otaa ka kutha po oondhopi, iipilangi niitandu ayihe noku yi ninginitha mefuta.
it-1-E ep. 70
Aleksander
Pehala lyokufadhuka po konima sho a sindwa iikando iyali muAsia eshona (oshikando shotango okwa sindilwa pomulonga gwaGrancius; noshitiyali omolushandja lwaIssus), Aleksander okwa li a gandja eiutulomo kokukwata ko okantuntu koshilando shaTiro. Omathelemimvo manga shoka inaashi ningwa, okwa li kwa hunganekwa kutya omakuma, ooshungo omagumbo nontsi ayihe yaTiro otayi ka umbilwa mefuta. (Hes 26:4, 12) Shoka oshindhindhilikwedhi oosho Aleksander a kutha omakulukuma goshilando sho shene shoka sha adhika sha hanagulwa po kuNebukadnezzar omimvo dha tetekele, e ta tungu nago ondjila yoshinano shoometa 800 yu uka koshilando shokokantuntu. Omatangakwiita gaAleksander oga hanagula po thiluthilu okantuntu hoka komefuta, hoka kwa li taku tiwa itaka vulu okuningwa sha muJuli 332 K.E.N.
Konga omaliko gopambepo
(Hesekiel 24:6) Omuwa Omupangeliawike ota ti: “Akwetse, oshilando shaadhipagi! Osha fa ombiga ya kakatela iikogo, ya tinda okuyela. Ontumba nontumba tayi kuthwa mo, noinamu kala we sha.
(Hesekiel 24:12) nando iikogo ayihe itayi zi ko komulilo.
Omanenedhiladhilo okuza membo lyaHesekiel ontopolwa 1:1–24:27
24:6-14 — Iikogo mbyoka ya li ya kakatela mombiga otayi thaneke shike? Jerusalem shoka sha li mekondeka osha li sha faathanithwa nombiga. Iikogo mbyoka yi li mo otayi thaneke omikalo dha nyata dhoshilando ndhoka dha li hadhi longwa musho, ngaashi okwaahenuuyogoki, uuholume netilohi lyombinzi. Uunene wokwaanuuyogoki kwasho owa li wu ulikwa mefaathanitho nombiga yi li owala, sho ya li ya tulwa pomakala yi lungune ya geta, opo iikogo ayihe yi pye ko, ihe inayi pya ko.
(Hesekiel 24:16, 17) a ti: “Muna gwomuntu, mepathimo limwe otandi ka kutha po omuntu u mu hole unene. Ino yemata nenge u lile nenge u pitithe omahodhi. 17 Ino uvika to hekumuna. Ino ikulula epalu nenge u kale oompadhi dhowala, u holole oluhodhi. Oshipala shoye ino shi siikila nenge u lye iikulya yoosa.”
w88-E 9/15 ep. 21, okat. 24
Jehova okwa pweya mo egongamwele lye
24 Oshikwawo, Hesekiel okwa li e na okwiihumbata momukalo tagu limbilike. (Lesha Hesekiel 24:15-18.) Omolwashike omuhunganeki ngoka a li kee na okukala a yemata sho omukulukadhi gwe a si? Shoka osha li tashi ulike nkene Aajuda taya ka kala ya kumwa sho Jerusalem, aakalimo notempeli tayi ka hanagulwa po. Hesekiel okwa kala a popya uuyelele awuhe wu na sha naJerusalem, ka li a pumbwa oku ke endulula shoka a popya nale sigo oosho a tseyithilwa ehanagulo lyaJerusalem. Sha faathana, mboka hayi iti kutya aakriste otaya ka kala ya kumwa pethimbo lyehanagulo. Konima sho “uudhigu uunene” wa tameke, shoka sha popiwa kaagwayekwa kombinga yuukwakriste, otashi ka gwanithwa shili. (Mateus 24:21) Sho egongamwele lyaKalunga tali ka adha uukwakriste, aakwangeleka mboka nayakwawo ayehe ‘otaya ka tseya kutya oye Jehova.’ — Hesekiel 24:19-27.
Elesho lyOmbiimbeli
(Hesekiel 25:1-11) Omuwa okwa lombwele ndje a ti: 2 “Muna gwomuntu, hunganekela oshilongo Ammon. 3 Ya lombwela ya pulakene shoka ngame, Omuwa Omupangeliawike, tandi ti: Owa li wa nyanyukilwa okumona otempeli yandje ya nyatekwa, okutala evi lyalsrael lya mbugalekwa nokumona Aajuda taa yi muupongekwa. 4 Owa li wa nyanyukwa, ihe otandi etha omazimo gomombuga yokuuzilo ge ku sinde. Otaa ka yunga oontanda dhawo moshilongo shoye e taa kala mo. Otaa ka lya iiyimati notaa ka nwa omahini goye. 5 Oshilando Rabba otandi shi shitukitha uunapelo woongamelo, noshilongo ashihe Ammon eputu lyokunapa oonzi, opo u tseye kutya ongame Omuwa.” 6 Omuwa Omupangeliawike ota ti: “Owa hakele nomake nokunuka kenyanyu. Owa dhini oshilongo Israel. 7 Molwaashoka we shi ningi, otandi ke ku gandja miikaha yiigwana yilwe mbyoka tayi ke ku yuga. Otandi ke ku hanagula po thiluthilu noito ka ninga we oshigwana nenge u kale noshilongo shoye mwene. Nena oto ka tseya kutya ongame Omuwa.” 8 Omuwa Omupangeliawike okwa ti: “Molwaashoka Moab a popi ta ti: ‘Juda okwa fa iigwana yilwe,’ 9 otandi ka ponokelitha iilando mbyoka ya shiga ongamba yaMoab, mwa kwatelelwa iilando yo opala — Bet Jeshimot, Baal Meon naKiriataim. 10 Otandi ka sinditha Moab komazimo gomombuga yokuuzilo pamwe naAmmon, opo Moab kaa ninge we oshigwana. 11 Otandi ka geela Moab, notaa ka tseya kutya ongame Omuwa.”