Ekonakonombiimbeli lyoye lyopaumwene na li kale tali ti sha

OMOLWASHIKE SHA SIMANA?: Ekonakonombiimbeli lyopaumwene ohali tu kwathele ‘tu uve ko uumbwalangandja nuunene, uule wopombanda nuule womohi’ woshili yomOohapu dhaKalunga. (Ef 3:18) Ohali tu kwathele wo tu kale kaatu na oshipo nokaatu na okantongo kasha muuyuni mbuka wa pilaala notu kale twa “dhiginina oohapu dhomwenyo.” (Fil 2:15, 16, NW) Ekonakonombiimbeli lyopaumwene ohali tu pe ompito tu hogolole uuyelele mboka twa pumbwa. Oshike tatu vulu okuninga opo tu mone mo uuwanawa mekonakonombiimbeli lyopaumwene?

NKENE TATU VULU OKU SHI NINGA:

• Tenda oovelise nokunyola wo uuyelele mboka wa hala oku ka dhimbulukwa mOmbiimbeli yoye nenge pombapila nenge moshikwaelektronika shoye

• Ipula omapulo taga landula sho to lesha Oohapu dhaKalunga: ‘Olye? Oshike? Uunake? Openi? Omolwashike? Ongiini?’

• Konga uuyelele. Longitha oonzo ndhoka dhi li po wu konge iipalanyolo nenge oovelise mOmbiimbeli

• Tedhatedha kwaashoka to lesha wu tale kutya uuyelele mboka otawu ku kwathele ngiini

• Tula miilonga esiku kehe uuyelele mboka to ilongo. — Luk 6:47, 48

TALA OKAVIDIO “DHIGININA OOHAPU DHOMWENYO, NW” MOKUNINGA EKONAKONOMBIIMBELI LYOPAUMWENE TALI TI SHA, E TO YAMUKULA OMAPULO NGAKA:

• Yamwe oya popi shike kombinga yekonakonombiimbeli lyopaumwene?

• Omolwashike tu na okukala hatu tameke aluhe negalikano, uuna tatu ningi ekonakonombiimbeli lyopaumwene?

• Oshike tashi vulu oku tu kwathela tu uve ko nawa oovelise dhomOmbiimbeli?

• Omandhindhiliko ga tya ngiini tashi vulika tu nyole nenge tu tule mOombiimbeli dhetu dhopaumwene?

• Omolwashike okutedhatedha kwa simana sho tatu konakona Oohapu dhaKalunga?

• Shoka to ilongo oto ke shi longitha ngiini?