Elandulathano lyoshiwike sho 25 Maalitsa

OSHIWIKE TASHI TAMEKE NO 25 MAALITSA

Eimbilo 76 negalikano

□ Ekonakonombiimbeli lyEgongalo:

cl ontop. 15, okat. 16-21 (ominute 30)

□ Osikola yOkudheula Aauvithi:

Elesho lyOmbiimbeli: Lukas 4-6 (ominute 10)

Sho-1: Lukas 4:22-39 (meni lyominute 4)

Oshi-2: Mbela okwiidhilika iikulya oshi li oshitegelelwa kAakriste? — gt ontop. 28 (ominute 5)

Oshi-3: Uunzapo wuni tawu ulike kutya Jesus okwa li a yumudhwa? — 1 Kor. 15:3-7 (ominute 5)

□ Okugongala kwoPailonga:

Eimbilo 111

Ominute 5: Tameka omakonakonombiimbeli mOlyomakaya yotango. Longitha oshiholelwa shefalomo shoka shi li pepandja 8, wu ninge euliko nkene ekonakonombiimbeli tali vulu okutamekwa mOlyomakaya yotango yaApilili. Ladhipika ayehe ye shi ninge.

Ominute 25: “Nkene okabroshure Onkundana ombwanawa ya za kuKalunga ke na okulongithwa.” Oonkundathana dhomapulo nomayamukulo. Napu ningwe omauliko gaali sho tamu kundathana okatendo 6.

Eimbilo 97 negalikano

3. Okabroshure haka oka yooloka ko ngiini kiileshomwa iikwawo yokukonakonwa?

³ Nkene ku unganekwa: Iileshomwa yetu oyindji yokukonakonwa oya nyolwa momukalo moka omuntu ta vulu oku yi lesha nokuuva ko oshili, nokuli nonando kapu na ngoka te mu kwathele. Oshileshomwa shika oshi ili. Osha nyolwa nelalakano lyokulongithwa uuna omuntu ta konakona Ombiimbeli pu na ngoka te mu kwathele. Onkee ano, uuna we ka pe omuntu, onawa mu kundathane okatendo kamwe nenge uyali. Uutendo uufupi notawu vulu nokuli okukundathanwa nomuntu posheelo shegumbo nenge pongeshefa ye. Nonando oshiwanawa okutameka noshileshwa shotango, otatu vulu okutameka ekonakono nomuntu poshileshwa kehe mokabroshure.

4. Okabroshure otake tu kwathele ngiini okulonga aantu okuza mOmbiimbeli?

⁴ Miileshomwa yetu oyindji, omayamukulo gomapulo otaga vulu okwaadhika muutendo. Ihe moshileshomwa shika, omayamukulo otaga adhika mOmbiimbeli. Aantu oyendji oya hala okwiilonga okuza mOmbiimbeli pehala lyokwiilonga miileshomwa yetu. Onkee ano, konyala omanyolo ogendji ngoka ge li mo inaga tothwa mo. Oge na okuleshwa mOmbiimbeli mo mwene. Shika ohashi kwathele aakonakoni ya tseye kutya shoka tayi ilongo osha za kuKalunga. — Jes. 54:13.

5. Omolwashike sha simana nakuninga ekonakono a kale i ilongekidhila nawa ekonakono kehe?

⁵ Okabroshure inaka fatulula omanyolo agehe. Omolwashike mbela? Omolwaashoka oka nuninwa okuladhipika omukonakoni a pule omapulo nosho wo nakulonga a longithe uunkulungu we wokulonga. Onkee ano, osha simana okwiilongekidhila nawa ekonakono kehe. Otatu londodhwa kaatu kale otse tatu popi unene. Otu hole shili okufatulula omanyolo. Ihe opo tu kwathele omukonakoni, onawa tu pule a fatulule kutya enyolo otali ti shike. Ngele tatu longitha omapulo nuukeka, otatu mu kwathele a mone kutya enyolo kehe otali ti shike. — Iil. 17:2.