Nkene to vulu okumona uuwanawa owundji miileshwa yoonkundathana dhopaMbiimbeli
Pula Onzapo yaJehova mu kundathane Ombiimbeli: Pula ngoka e ku pa okambo haka a konakone Ombiimbeli nangoye, nenge wu udhithe ofooloma ndjoka yi li kepandja lyetu lyokointaneta, jw.org.
OSHITOPOLWA SHOTANGO
Lesha okatendo kehe, mwa kwatelwa omapulo ngoka ga nyolwa noondanda ndhoka dho ondoka (1) nosho wo omanyolo (2) ngoka taga tsu omuthindo iitsa ya simana. Opu na pOmanyolo gamwe pu na elombwelo tali ti kutya “lesha.”
OSHITOPOLWA OSHITIYALI
Etumbulo lyotango (3) ndyoka li li kohi yoshitopolwa: Ilonga oshindji otali yelitha shoka tashi ka kundathanwa. Uupalanyolo uushona (4) otawu gandja efalomo lyiitsa ya simana. Lesha omanyolo, yamukula omapulo nokutala uuvidio (5).
Tala omathano nokulesha oohapu ndhoka dhi li po (6), e to dhiladhila nkene to vulu okuyamukula epulo ndyoka li li mpoka pwa nyolwa: Aantu yamwe ohaya ti (7).
OSHITOPOLWA OSHITITATU
Okapalanyolo: Owi ilongo shike? nosho wo Omapulo geendululo (8) awuhe owa ngonga oshileshwa ashihe. Uuna mwa kundathana oshileshwa e tashi pu, nyola esiku ndyoka mwe shi mana. Mpoka pwa nyolwa: Itulila po elalakano (9) oto lombwelwa shoka wu na okuninga, opo wu tule miilonga shoka wi ilonga. Pokapalanyolo: Uuyelele wa gwedhwa po (10) opu na omalombwelo wu leshe nenge wu tale uuvidio mboka wu li po.
Nkene to vulu okukonga enyolo mOmbiimbeli
Enyolo ohali tameke nembo lyOmbiimbeli (1), e taku landula ontopolwa (2), opo ihe ovelise nenge oovelise (3). Pashiholelwa, Johannes 17:3 otu ulike kembo lyaJohannes, ontopolwa 17, ovelise 3.