Nkene to vulu okumona mo uuwanawa moonkundathana ndhika dhopaMbiimbeli
Tango lesha uuyelele mbuka, e to dhana OKAVIDIO.
OSHITOPOLWA SHOTANGO
Opo wi ilongekidhile oshileshwa kehe, lesha okatendo kehe, mwa kwatelwa omapulo ngoka ga nyolwa noondanda ndhoka dho ondoka (1) nosho wo omanyolo (2) ngoka taga tsu omuthindo iitsa ya simana. Pomanyolo gamwe opu na elombwelo tali ti kutya “lesha.”
OSHITOPOLWA OSHITIYALI
Etumbulo lyotango (3) ndyoka li li kohi yoshitopolwa: Ilonga oshindji otali yelitha shoka tashi ka kundathanwa. Uupalanyolo uushona (4) otawu gandja efalomo lyiitsa ya simana. Lesheni omanyolo naangoka hamu konakona naye, e tamu yamukula omapulo nokutala uuvidio.
UUVIDIO mboka wu li mo owu na uuyelele wa pamba shoka tamu kundathana. Wumwe otawu ulike iinima ya ningwa shili. Wo wulwe iinyandwa tayi ulike oonkalo ndhoka tatu vulu okwiiyadha mudho.
Tala omathano nokulesha oohapu ndhoka dhi li po (5), e to dhiladhila nkene to vulu okuyamukula epulo ndyoka li li mpoka pwa nyolwa: Aantu yamwe ohaya ti (6).
OSHITOPOLWA OSHITITATU
Okapalanyolo: Owi ilongo shike? nOmapulo geendululo (7) owa ngonga oshileshwa. Uuna mwe shi kundathana, nyola esiku mwe shi mana. Pokapalanyolo: Itulila po elalakano (8) opu na uuyelele mboka wu na okutula miilonga. Puuyelele wa gwedhwa po (9) lesha uuyelele mboka wu li po, e to tala uuvidio.
Oshikalimo
|
|
|
|
|
Nkene wu na okukonga oovelise mOmbiimbeli
Ombiimbeli oya thikama po momambo 66. Oya topolwa miitopolwa iyali: mOmanyolo gOshihebeli nogOshiaramea (“Etestamendi Ekulu”) nosho wo mOmanyolo gopaKriste gOshigreka (“Etestamendi Epe”).
Enyolo ohali tameke nembo lyOmbiimbeli (1), e taku landula ontopolwa (2), opo ihe ovelise nenge oovelise (3).
Pashiholelwa, Johannes 17:3 otu ulike kembo lyaJohannes, ontopolwa 17, ovelise 3.