EPULO ETI-11
Oshike hashi tu ningilwa ngele twa si?
“Uuna taa mana oondjenda, otaa shuna montsi moka ya zile. Esiku ndyoka oompangela dhawo otadhi hulu po.”
Episalomi 146:4
“Aanamwenyo otaa tseya kutya oye na okusa, ihe aasi itaa tseya sha nando, . . . Longa ashihe to vulu niikaha yoye, shi longa noonkondo dhoye, oshoka kaku na iilonga, ompangela, uunongo nenge owino moshaasi, moka no ka ya mo.”
Omuuvithi 9:5, 10
“[Jesus] okwa ti kuyo: ‘Kuume ketu Lasarus okwa kotha, ihe ngame onda hala, ndi ye, ndi ke mu penduthe.’ Jesus okwa li ta popi okusa kwaLasarus, ihe oyo oya li ye shi, ota popi okukotha kwoomposi. Onkee Jesus okwe ya lombwele sha yela ta ti: ‘Lasarus okwa sa.’”