EPULO ETI-6
Ombiimbeli oya hunganeka shike kombinga yaMessias?
EHUNGANEKO
“Betlehem Efrata, . . . omungoye tamu ka za omuleli gwaIsraeli.”
Mika 5:2
OKUGWANITHWA KWALYO
“Jesus sho a valelwa muBetlehem shomuJudea, pethimbo ndyoka Herodes oye a li omukwaniilwa, aakoneki yokuuzilo oye ya kuJerusalem.”
EHUNGANEKO
“Omuzalo gwandje otaye gu umbile oshihogololitho noonguwo dhandje otaye dhi itopolele.”
Episalomi 22:18
OKUGWANITHWA KWALYO
“Ano aakwiita sho ya alele Jesus [“komuti gwomahepeko,” NW], oya kutha oonguwo dhe e taa dhi topola miitopolwa ine, . . . Oyo oya kutha onguwo yokohi, ya tungwa niikaha yaa na nando omihondjo. Nena aakwiita oya lombwelathana ya ti: ‘Inatu yi kondeni, ihe tu yi umbileni oshihogololitho, opo tu mone kutya otayi ningi yalye.’”
EHUNGANEKO
“OMUWA ote mu shigi nawa lela; kape na nando olimwe lyomomasipa ge tali teywa.”
Episalomi 34:20
OKUGWANITHWA KWALYO
“Ihe sho ye ya kuJesus, oya dhimbulula kutya okwa sa nale nokuli, onkee inaa nyanyula nando oohongo dhe.”
EHUNGANEKO
“Okwa tsuwa omolwomayono getu.”
Jesaja 53:5
OKUGWANITHWA KWALYO
“Opo ihe gumwe okwa tsu Jesus negonga molupati, omo nomwa zi ombinzi nomeya.”
EHUNGANEKO
“Oya futu ndje iimaliwa iisiliveli omilongo ndatu.”
Sakaria 11:12, 13
OKUGWANITHWA KWALYO
“Nena gumwe gwaamboka omulongo nayaali, edhina lye Judas Iskarioto, okwa yi kaayambi aakuluntu e ta ti: ‘Otamu pe ndje shike, opo ndi gandje Jesus miikaha yeni?’ Oyo ye mu futu iimaliwa iisiliveli omilongo ndatu.”