Eendululo lyOsikola yOkudheula Aauvithi
Omapulo taga landula otaga ka kundathanwa pOsikola yOkudheula Aauvithi moshiwike tashi tameke 31 Auguste 2015.
Megalikano lyaSalomo omwa popiwa uushili wuni tawu tu tsu omukumo kombinga yaJehova Kalunga, nuuwanawa washike tatu mono mo uuna tatu tedhatedha kulyo? (1 Aak. 8:22-24, 28) [6 Juli, w05 8/1 ep. 30 okat. 3]
Oshiholelwa shaDavid ‘shokuvulika’ otashi tu kwathele ngiini tu kale hatu vulika? (1 Aak. 9:4) [13 Juli, w12 11/15 ep. 7 okat. 18-19]
Oshiilongomwa shini sha simana tatu adha mOmbiimbeli kombinga yaJehova sho a tumu Elia komuselekadhi gwokuSarepta? (1 Aak. 17:8-14) [27 Juli, w14 2/15 ep. 14]
Okutedhatedha kehokololo ndyoka li li mAakwaniilwa yotango 17:10-16 otaku koleke ngiini einekelo lyetu muJehova? [27 Juli, w14 2/15 ep. 13-15]
Ongiini tatu vulu okumona uuwanawa moshiholelwa shaElia shokukondjitha epolimano? (1 Aak. 19:4) [3 Aug., ia ep. 102-103 okat. 10-12; w14 3/15 ep. 15 okat. 15-16]
Jehova okwa li i inyenge ngiini sho a mono Elia, omupolofeti gwe omudhiginini, i ihupula, nongiini tatu vulu okuholela Kalunga ketu omunahole? (1 Aak. 19:7, 8) [3 Aug., w14 6/15 ep. 27 okat. 15-16]
Omukwaniilwa Ahab okwa li e na etaloko lya puka lini, nongiini Aakriste kunena taya vulu okuyanda epuko lya faathana? [10 Aug., lv ep. 164-165, oshimpungu; w14 3/1 ep. 14-15 okat. 3-4]
“Egulu” moka ‘Elia a li a falwa moshikungulu’ olya li shike? (2 Aak. 2:11) [17 Aug., w05 10/1 ep. 19 okat. 1]
Ongiini aagundjuka taya vulu okuholela eitaalo nuulaadhi wokakadhona Okaisraeli hoka ka tumbulwa mAakwaniilwa aatiyali 5:1-3? [24 Aug., w12 2/15 ep. 13 okat. 11]
Tu li aalongeli yaJehova momathimbo ngaka gopehulilo, uukwatya wuni mboka Jehu a li e na twa pumbwa okukambadhala tu wu holele? (2 Aak. 10:16) [31 Aug., w11 11/15 ep. 5 okat. 4]