Salmu
Salmu a Tavite.
א [Alefi]
25 Wa nyuwo, khwoo Yehova, kinnaveleela okumi aka.
ב [Peti]
2 Muluku aka, miyaano kinnoororomelaani;
Muheemererye wi kuulihiwe muru.
Muheemererye wi amwiicani aka ekitheyeke.
ג [Kimeli]
3 Mweeparipari, haavo onooweheryaani nyuwo oni uulihiwe muru;
Oothene yaale aneerano ichu moohiroromeleya ohirivo nthowa, enarwa yuulihiwa muru.
ד [Taleti]
4 Mukisuwelihe iphiro sanyu, khwoo Yehova;
Mukihusihe meecelo anyu.
ה [He]
5 Mukeecihe mu eparipari anyu nave mukihusihe,
Tiwi nyuwo mwa Muluku a nivuluxo naka.
ו [Vawu]
Kinnooweheryaani nyuwo nihiku noothene.
ז [Sayine]
6 Muupuwele ikharari sanyu, khwoo Yehova, ni osivela wanyu woororomeleya,
Seiho munooniheryaanyu ilukuluku soothene.*
ח [Heti]
7 Muhuupuwele soocheka soomiravo aka ni soohesa saka.
Mukuupuwele mwawiiwanana ni osivela wanyu woororomeleya,
Wa nthowa na oreera wanyu murima, khwoo Yehova.
ט [Teti]
8 Yehova taphaama ni awookololowa.
Ti nthowa nene owo onaahusiheiye alipa oocheka ephiro yoochara.
י [Yoti]
9 Owo onamwaahoolela awiichacala mwa yeeyo eri yaphaama,*
Nave onamwaahusiha awiichacala ephiro awe.
כ [Kafe]
10 Iphiro soothene sa Yehova ti osivela woororomeleya ni ororomeleya
Wa yaale anakhapelela nlakano nawe ni sawuupuxerya sawe.
ל [Lameti]
11 Wa nthowa na nsina nanyu, khwoo Yehova,
Mulevelele yoohesa aka, naamwi eri etokweene.
מ [Meme]
12 Muchu taani onamoova Yehova?
Owo onammuhusiha vooloca sa ephiro onaphwaneleiye othanla.
נ [Nuni]
ס [Sameki]
14 Onthamwene wawaacameleya ni Yehova ti wa yaale anamoova yoowo,
Nave owo onnaasuweliha yaawo waataana wawe.
ע [Ayini]
15 Ilukuluku soothene miitho aka ananweha Yehova,
Tiwi owo onarwa oopola inaani saka vamuraakhoni.
פ [Pe]
16 Murukunuwele wa miyo nave mukooniherye mahala,
Woona wi kiri meekhaaka ni oohasuwa.
צ [Tsate]
17 Sawuukhula sa murima aka sohaaceereryeya;
Mukoopole mu othanana waka.
ר [Rexi]
18 Moone wuukhuwa waka ni ohooxeya waka,
Nave mulevelele soocheka saka soothene.
19 Moone mukhalelo amwiicani aka aryaaya awaaca
Ni mukhalelo okiica waya oryaaya otokweene.
ש [Xini]
20 Mukhapelele okumi aka nave mukivuluxe.
Muheemererye wi kuulihiwe muru, woona wi kinnachawela wa nyuwo.
ת [Tawu]
21 Ororomeleya ni wookololowa sikikhapelele,
Tiwi ewehereryo aka eri mwa nyuwo.
22 Khwoo Muluku, mmoopole Isarayeli wa sawuukhula sawe soothene.