Salmu
Ncipo na Owelano.
126 Vaavaa Yehova aakookihenryeiye achu oophariwa o Siyoni,
Nuupuwela wi naamuloha.
2 Mu elukuluku yeele, eyano ahu yaasareya ni otheya;
Nave nlumi nahu, ni okhuwela woohakalala.
Mu elukuluku yeele, maloko yaanaloca:
“Yehova oheera ichu sootikhiniha wa yaawo.”
3 Chiryene, Yehova oopaka ichu sootikhiniha wa hiyo,
Nave hiyo noosareya ohakalala.
4 Mwaakookihe* achu ahu oophariwa, khwoo Yehova,
Ntoko mihice sa maahi seiho sinakookela o Nekepi.
5 Yaale anaala ni miithori,
Anamuhepha ni okhuwela woohakalala.
6 Yoole onakhuma ayaaka omaca, naamwi inlaka,
Ateenxe niphuta nawe na mmiso,
Mweeparipari onamukooka ni okhuwela woohakalala,
Ateenxe soohepha sawe.