Salmu
Ncipo na Owelano.
133 Nkoonani! Ti yaphaama nave ti yoohakalaliha
Anna okhala vamoha mwawiiwanana!
2 Ari ntoko makhurwa asisapo ayeeheryiwe va muru,
Yaawo anakhuruwela vapwetoni,
Epweto ya Aroni,
Nave anakhuruwela vasikoni va yoowara awe.
3 Ari ntoko nikami na omwaako Hermoni
Nenlo nnakhuruwa mmiyaako so Siyoni.
Ti weiwo Yehova aalamulenleiyewo okhalawo mareeliho awe:
Okumi woohimala.