Salmu

92 Ti yaphaama omuthamalela Yehova,

Ni wiipela macipo* nsina nanyu, khwoo Awiirimurimu;

 2 Ti yaphaama olaleya osivela wanyu woororomeleya wooxixelo

Ni ororomeleya wanyu elukuluku ya ohiyu,

 3 Mmwiipele macipo ni ekaruma ya mikoi khumi vamoha ni pankwe,

Vamoha ni oruma waphaama wa chakare.

 4 Tiwi nyuwo mookihakalaliha ni saweera sanyu, khwoo Yehova;

Kinnakhuwela moohakalala wa nthowa na miteko sa matata anyu.

 6 Haavo khamiruku onawerya osuwela seiho;

Nave haavo mulolo onawerya wiiwexexa ela:

 7 Vaavaa oonanara murima anaphuwelaaya ntoko munyepu,*

Nave oothene yaale aneera sootakhala anaphuwelaaya ntoko ithutu,

Aneerano yeela wi etoloxiwe okhala wookhala.

 9 Chiryene, munnoona ovoothiwa wa amwiicani anyu, khwoo Yehova;

Moohikhwa minikwa, amwiicani anyu enahaala otoloxiwa;

Oothene yaale aneera soonanara enarwa emwaramwasiwa.

10 Nto nyuwo munarwa mukivaha ikuru* ntoko emope yeelopwana ya mutakhwani;

Kinamwiicikichela makhurwa ooriiryiha murima va nnyapara naka.

11 Miitho aka anarwa yoona ovoothiwa wa amwiicani aka;

Maaru aka enarwa yiiwa elociwaka sa wuuwa wa aweera soonanara yaawo anakihiphela.

12 Nto awookololowa anamwaaluwa ntoko mwiri wa n’yale

Nave enarwa yunnuwa ntoko mwiri wa seetru wo Lipanu.

13 Awo anaaliwa mu empa ya Yehova;

Annaaceereryeya mmayateni a Muluku ahu.

14 Naamwi yuuluvanle* anamvahaka sawiima sawaaca;

Anamutitelela okhala akuru* ni oosareya okumi,

15 Elaleyaka wi Yehova tawookololowa.