Ephiro Ya Opharihela Muteko Ebrochura Ela

Ebrochura ela yoryeheryiwa ntoko eshikola yomuhuserya Biblia. Enahala ophariheliwaka muteko mwawihai? Ninnavaheryerya maryeheryeryo ala: wupacheryani wa yohuserya eri yothene vokhalavo makoho. Nivinre nikoho, niwaleliwe, munahala ophwanya manumuru a iparagrafo mummo mumphwanyeyamo wakhula. Vopacherya mwalikhanye makoho. Mupuwelele mwa yawo. Vaholovaya mwalikhanye eparagrafo eri yothene ni mwavaryerye atesto Mbibliani mwanyu. M’malinhe yohuseryanyu, mukokele omakohoni wi mwavye wupuwelela wakhula wa Biblia wa nikoho nrinothene. Vano mwamaliha ebrochura yothene, mukokele ni ovaryeryatho makoho othene.

Wahimukhalavo yothonyerya ekina, masu othene a mbibliani ophariwa vasulu va ti a mu sorepa se egriki sa m’Bibliani Nlakano Nahihano na Yesu Kristu Apwiyahu ni Masalmo a Elomwe (Lomwe New Testament and Psalms). Sa mu ehebrini ti sa Tradução do Novo Mundo das Escrituras Sagradas—Com Referências (NM).