YOOHUSERYA 5
Waalakhanya Phaama
ECHU YAWEERA: Mwaalakhanye moovuwa yeeyo erepiwe va epaaxina.
MUKHALELO WA WEERANO:
● Mwiirehererye phaama. Muupuwele ntakhara heeni nikupa nla nrepiwaaya. Mukhovelele waalakhanya makhuuru a masu, ohiya nsu ti nsu. Muroromele wi himvukunle, waaceererya naari otoroka masu. Mwaacicimiherye aponto oothene.
Mumveke nthamwene anyu wi avareryele waalakhanya wanyu ni woothonyeraani masu yaawo mwaalakhannyaanyu mooheseya.
● Muloce phaama masu ti masu. Wakhala wi hamunasuwela mukhalelo wa oloca masu, muwiriyane yoolaleeryiwa ekaravaariwe naari mumveke nikhaviheryo muchu onaalakhanya phaama.
● Muloce mookwakwaleya. Muloce masu mwawiichaalela, mweemese muru nave muhule eyano anyu. Mwiilipiserye oloca mookwakwaleya.
Muhicicimiherye masu anahaala weeriha waalakhanya wanyu ohiiwexexeya.