Munii mukumihevo hai mphurelo wawaaca yoohuserya yeela ya Piipiliya?
Vaa munamphwanyavo sooleeliherya soothene vooloca sa yoohuserya yeela. Mmanle waalakhanya nikupa nenla, murumihe EXILEMA.
NIKUPA NOOPACERYA
Wi mwiirehererye wa mwaha ti mwaha, mwaalakhanye nikupa noopacerya, ophitaanyerya makoho ooripelela (A) ni soorepa (B) seiyo inavuwiha iponto sa vasulu. Moone wi soorepa ikina soolociwa wi “mwaalakhanye.”
NIKUPA NA VEERI
Masu oopacerya (C) Vathi va Ohuserya Mwawiiseela, annathariha yeeyo enacharela. Miru mikhaani (D) inapaceryiha iponto sa vasulu. Mwaalakhanye soorepa ni muhusiha, mwaakhule makoho, nave moone ixilema.
Va mwaha ti mwaha munamphwanyavo ikaaxa sooniheryaka EXILEMA ni masu awaaceererya vooloca sa mwaha. Ixilema ikina inaloca miyaha seeparipari. Ikina ti soosiphela, nyenya ichu ineereya nihiku ti nihiku.
Muthokororye phaama iruku ni masu (E), nave muupuwele mukhalelo muneeraanyu mwaakhule yeeyo Achu Akina Analocaaya (F).
NIKUPA NOOKUCHULA
Mukwasu ni Wuuluulela (G) onnakuchula mwaha. Murepele nihiku mwaha omanlaaya. Yoolakelela (H) ennoovahaani echu wi mpake. Otholathola (I) sookhalavo sooleeliherya sawaaceererya wi mwaalakhanye naari moone.
Sampuwa
|
|
|
|
|
Mukhalelo wa ophanya iversikulu Mpiipiliyani
Piipiliya orino aliivuru akhaani 66. Awo akawanyiwe mmakupa meeli: Soorempwa sa Eheepri-Aramaiku (“Nlakano Nakhalai”) ni Sorempwa sa Ekreku sa Ekristu (“Nlakano Nahiihaano”).
Vaavaa yoorepa enalociwaaya va yoohuserya, eyo ennooniheryiwa orweela wa liivuru a Piipiliya (A), echarelaka ekapitulu (B), ni eversikulu naari iversikulu (C).
Ntoko yootakiherya, Yohani 17:3 onalociwa liivuru a Yohani, ekapitulu 17, eversikulu 3.