Saweereya
◼ Australiya: Yohane, mulopwana mmoha oohuserya, aapacenrye oya okerexa ari mwaana nyenya aakhala “mulipa ooheemererya wi Muluku ookhala.” Piyoneero aamuhiyerya eproxura Teve um Criador? nave mu oxekurya woocharela ahimuhiyerya eproxura A Origem da Vida. Piyoneero aatitelela wunnuwiha nchuno nawe moorweela wa omuruuhela irevista ivyaani ni othokororya miyaha mikina saaloca sa opatuxa ni sooloherya sa Piipiliya. Vaavaa piyoneero ola uupuwenleiye wi Yohane aari ooreheryeya, aahimvaha liivuru A Bíblia—Palavra de Deus ou de Homem? Aamanleiye omwaalakhanya, Yohane aapacerya wiisoona mukhateiye ntoko “mulipa ookhwa minikwa vooloca sa Muluku.” Vano Piyoneero aampaceryiha liivuru Piipiliya Onahusiha Eheeni, aamooniha Yohane eparagrafo 8 epaaxina 20 ni iparakrafo 13-16 va ipaaxina 23-24. Soorempwa sooniheryiwe vaava saamutikiniha vancipale Yohane ophiyerya oloca, “Akhweya kinnachuna omvaha Piipiliya ekari ekina.”
◼ Mexiko: Mulopwana aahimuleela mulaleeryi wi owo heemererya wi Piipiliya tooveereliwa ti Muluku. Mulaleeryi aahivaha wi amoonihe ichu inooniherya wi Piipiliya tooveereliwa. Emanle othokororya, mulopwana owo aapacerya ovoloweliwa mmurimani ni yeeyo aahuseryeiye orweela Mpiipiliyani. Owo aalekecheya vancipale xaxaxa vaavaa aahusenryeiye sa meecelo aphaama. Owo aamuleela mulaleeryi: “Woopaceryani vaavaa weyaano ni miyaano naamwaalakhanyaahu Piipiliya, eyo yaakhala ntoko ekano enarweela mu liivuru phyakala nave hiyaakivolowela. Nyenya vano, naamwaalakhanyaka Piipiliya, xaxaxa ekano awe vooloca sa meecelo, murima aka onnasooseya.”
◼ Estados Unidos: Vaavaa aarumeeleiye mu onamoona wa vameekhaaya mu epooma etokotoko, mutheli mmoha aahimoona muthiyana o Taiwan yoowo aamweemererya Muluku nyenya oona wi Piipiliya aari a achu a Onayawo nsuwa. Muthiyana aarwa va yawooniherya soolaleeryiwa ntakhara owo oona wi aahirimeela naamwi owo aarino okumi waphaama. Muthiyana aawehererya wi Piipiliya aahaala omukhaviherya ophwanya yookhwela ya okumi. Mutheli aapaceryiha yoohuserya ni yoowo ampharihelaka liivuru Piipiliya onahusiha eheeni vamoha ni eproxura Como Ter Verdadeira Paz e Felicidade. Ohiya ohuserya va ekapitulo 2 ya liivuru, awo yaathokororya nikupa na eproxura nrino muru “Um Guia Prático Para Beneficiar Toda a Humanidade.” Yaamanlaaya othokororya eparagrafo ya neethanu nammoha ya nikupa nlo, muthiyana aatikiniheya wi Piipiliya meekheiye ohapwaha aliivuru akina a malapelo. Yaamanlaaya othokororya sooloherya sa Piipiliya seiyo inakhala iriki mwaakhwanela, muthiyana aaloca, “Haavovo liivuru mukina kinuupuwelaaka wi tawaakhwanela ntoko Piipiliya!”
◼ Japau: Naamwi namakhala aamulenle mulaleeryi wi haamweemererya Muluku, mulaleeryi aatitelela omuxekurya, othokororyaka ni yoowo miyaha sa Despertai! irino muru “Teve um Projeto?” Vakhaani vakhaani, mulopwana aatoroka moonelo awe nave aapacerya oloca wi poti arivo Mpatuxa. Vano owo onneemererya wi Muluku okhala, nave mulaleeryi onnahuseryano eproxura Michaka Yaphaama Yoorweela Wa Muluku!
◼ Kanada: Murokora aamvaha irevista ivyaani muthiyana yoowo aakhuma vaate vawe ayaaka mukaaroni mwawe. Vaavaa murokora aakonheiye, muthiyana moolipa aahiloca wi haachuna nave wi haamweemererya Muluku. Murokora aalakelela ohihiya nyenya aaruuha eproxura Como Ter uma Vida Satisfatória. Vaavaa murokora aamphwannyeiye muthiyana owannyawe, murokora aahiloca naamwi aasuwela wi muthiyana owo haamweemererya Muluku, murokora aanamuupuwela nthowa nawi aahisuwela wi muthiyana owo aari mai aaphuwa anamwane meekheiye. Murokora aamooniha muthiyana eparagrafo 6 va epaaxina 4 ya eproxura, yeeyo enathokororya moota wa ophwanya ikano saphaama. Voocharela, murokora aamulipiha muthiyana owo wi aalakhanye miruku va yoohuserya 2 vooloca sa waaphuwa anamwane. Muthiyana aahakalala vancipale ni waakhela eproxura.