Soolokoha

◼ Soolaleeryiwa sa Ovaha: Marsu ni Apirili a 2015: Irevista Mulipeleli ni Despertai! Maiyu ni Yunyu a 2015: Piipiliya Onahusiha Eheeni Chiryene? naari etrataato Munnachuna Osuwela Eparipari? ni itrataato soothene sinaphwanyeya mmukhalelo muvyaani.

◼ Wuupuwelela okhwa wa Yesu onahaala weereya Naneethanu, 3 a Apirili a 2015. Wakhala wi muloko anyu onathukumana mu nihiku naneethanu, mithukumano iho inaphwanela weeriwa mu nihiku nikina na esumana yeeyo ya Yawuupuxerya. Wakhala wi Muthukumano wa Muteko onaphwanela ohiiwa, muhooleli a nikhuuru na atokweene onaphwanela opaka marehereryo a makupa yaawo anaphariheleya mmuloko mwanyu athokororyiwe variyari mweeri.