Mukhale Oolipa Murima Nave Muhimaale Olaleerya

NTAKHARA HEENI TI YOOCHUNEYA: Moohilekela Sooloherya sa Mpiipiliyani seiho sinaacamela sinahaala weeha nroromelo ni ororomeleya wahu wa Yehova opwaha akhalai. Yoohooxa etokotoko enahaala opacerya vaavaa eneeraaya etoloxiwe malapelo atheru. (Mat 24:21; Wup 17:16, 17) Mu elukuluku yeeyo ya yoohooxa etokweene, hiyaano nnahaala olaleya michaka sa othoriha. (Wup 16:21) Nnahaala ohoolela ohipheliwa ni Koki a Makoki. (Ezek 38:10-12, 14-16) Wi Yehova awaakihe achu awe onahaala weeriha wi okhalevo “mukhico wa nihiku ntokotoko na Muluku mwaneene a ikuru soothene.” (Wup 16:14, 16) Wi ntikitherye olipa wahu murima wa saweereya seiha soomwaahiyu, nnaphwanela okhala oolipa variyari va saweeha sa nroromelo.

MUKHALELO WA WEERANO:

• Waakiha ni okhalano meecelo aweela va miithoni va Yehova.—Isa 5:20

• Otitelela othukumana ni annihu Eekristu.—Ahe 10:24, 25

• Ochariha ohoolela wa marehereryo a Yehova.—Ahe 13:17

• Wuupuwelela mukhalelo Yehova aawooponleiye achu awe khalai.—2Ped 2:9

• Ovekela wa Yehova, ni omuroromela yoowo.—Sal 112:7, 8

MOONE EXILEMA SAWEEREYA SA OMWAAHIYU ONI OCHUNEYE OLIPA MURIMA—MAKUPA AKWATIWE, NAVE MWAAKHULE MAKOHO ANACHARELA:

• 

  Wiiwelela wa alaleeryi weehiwe hai vaavaa muloko waakawanyiwaaya makupa meeli?

• 

  Wiiwanana taani orivovo variyari va wiiwelela ni olipa murima?

• 

  Ntakhara heeni onahaala ochuneya olipa murima vaavaa Armaketo onarweiye?

• 

  Saweereya taani sa Mpiipiliyani sinanikhaviherya olipiha nroromelo nahu wa Yehova wi onahaala onivuluxa?—2Math 20:1-24