27 A MAIYU–2 A YUNYU
SALMU 42-44
Ncipo 86 ni Nivekelo | Masu Oohulela (1 min.)
1. Mpharihele Muteko Mahusiheryo Yaawo Nnaakhelaahu wa Yehova
(10 min.)
Mpharihele ikari wi mmulapele Yehova ni achu akina, wakhala wooweryeya mmoha ti mmoha (Sal 42:4, 5; Sentinela, 1/6/2006, epaax. 9, epara. 4)
Mvekele muhaakumve ohuserya Masu a Muluku (Sal 42:8; Sentinela, 15/1/2012, epaax. 15, epara. 2)
Mweemererye wi eparipari ya Mpiipiliyani ehooleleke mukhalelo woothene wa okumi anyu (Sal 43:3)
Mahusiheryo yaawo nnaakhelaahu wa Yehova ennanlipiha wi nihoolele saweeha ni waakhwaniherya yoororomeliha ahu ya omurumeela Yehova ilukuluku soothene.—1Pet 5:10; Mulipeleli, 09/2016, epaax. 6, ipara. 11-12.
2. Muhakhu Woomunepani
(10 min.)
Sal 44:19—Enataphulela heeni masu awi “anapiili anakhalaayawo”? (Perspicaz, vol. 1, epaax. 479)
Muhakhu taani woomunepani wa waalakhanyiwa wa Piipiliya wa esumana yeela mwaahaalaanyu osiveliwa okawana ni hiyaano?
3. Waalakhanyiwa wa Piipiliya
(4 min.) Sal 44:1-26 (th yoohuserya 11)
4. Opaceryiha Ovaanela
(4 min.) EMPA NI EMPA. Mvahe yoohuserya ya Piipiliya. (Waasivela achu, yoohuserya 5, epontu 5)
5. Ovaanela Woocharela
(5 min.) EMPA NI EMPA. Munwope muchu owo ntakhara mwaha wa vanlakani onacharela. Moonihe nave muthokororye exilema Tiheeni Eneereya mu Empa ya Omwene? (Waasivela achu, yoohuserya 7, epontu 5)
6. Mwaha
(3 min.) Waasivela achu, Apentise 1, epontu 4—Muru: Oothene enahaala okhalano okumi woophaameya. (th yoohuserya 2)
Ncipo 21
7. Mpake Soolakelela Mwa Miruku Vooloca sa Muteko ni Ohuserya
(15 min.) Othokororya ni alipa oowiriyana.
Amiravo, nyuwaano munnuupuwela yeeyo munahaalaanyu weera mmanle okwaaxa ohuserya mu exikola sekuntaariya? Munanwerya okhalano mmuupuweloni muteko yoowo onahaala oweemereryakaani okhala pioneero. Naari munnuupuwelela mukhalelo mukina wa waaceererya mahusiheryo yaawo anahaala woovahaani mavyakelo, itukumento seiho sinahaala wookhaviheryaani ophwanya muteko yoowo. Ela elukuluku yoohakalaliha ya okumi anyu! Naamwihiiha, vakina vaya munanwerya wiisoona okhala awuukhuwa wa soothanla sanyu naari okhinyererya munahoolelaanyu wi mpake yoolakelela enahaala waahaakalaliha akina. Tiheeni enahaala wookhaviheryaani opaka soolakelela mwa miruku?
Mwaalakhanye Mateyu 6:32, 33. Voocharela, mwaakohe alipa oowiriyana:
Ntakhara heeni ti waphaama okhalano mmuupuweloni soolakelela soomunepani, muchu ahaakumve opaka soolakelela vooloca sa muteko ni ohuserya?
Ti mwawiihai asitiithi anahaalaaya waakhaviherya anaaya opharihela yoorepa ya Mateyu 6:32, 33?—Sal 78:4-7
Mukhaleno ephoole wi muheemererye wi ochunachuna muhakhu naari okhala oovuwa ivolowele soolakelela sanyu. (1Yoh 2:15, 17) Muupuwele wi, pahiru okhalano ichu sincipale onanwerya okhala woovila wa muchu weemererya michaka sa Omwene. (Luka 18:24-27) Wakhala wi muchu onnalapa mwakuru wi akhale a muhakhu, onamukhala woovila wa yoowo okhalano nroromelo noolipa ni okhala ootikitheryeya mu omuhakalaliha Yehova.—Mat 6:24; Mar 8:36.
Moonihe EXILEMA Mwiikasoope ni Ichu Sihinahaala Olekela!—Muhakhu. Voocharela, mwaakohe alipa oowiriyana:
Ti mwawiihai Masiposipo 23:4, 5 onahaaleiye wookhaviheryaani opaka soolakelela mwa miruku?