5-11 A MAIYU

MUHAKHU WA MASU A MULUKU

1. Muteko Wakuru Onnaruuhela Nchuwelo

(10 min.)

Muhiyeleele elukuluku anyu mwiikaraka ichu sihinaphuriha echu (Mas 12:11)

Mulapeke mwakuru nave mukhale oowetha (Mas 12:24; Mulipeleli, 06/2016, epaax. 30, epara. 6)

Nyuwaano munamuchuweliwa nthowa na muteko anyu wakuru (Mas 12:14)

Eruku: Munna alapaka moowetha ntoko estalatore a ituupu ni mmiteko soomunepani. 1. Owo aneeca ni ikaruma sawe. 2. Owo onnapharihela exaavi etokotoko wi ahuleno naari owala iporka itokotoko. 3. Owo onnaphwanyeya mmithukumano sa muloko vamoha ni emusi awe. Owo vamoha ni mwana awe annaviiha ntata wi evahe naakhulo. 4. Owo onnapharihela etratatu wi avahe onamoona wa mulopwana mmoha va nipuro onatumihiwavo kasolina.

YOOLEELIHERYA: Muteko wakuru onanwerya okhala woohakalaliha wakhala wi ninnatikitheryeya mmukhalelo owo onahaalaaya waakhaviherya akina.—Saw 20:35; Mulipeleli, 1/2/2015, epaax. 5, ipara. 4-6.

2. Muhakhu Woomunepani

(10 min.)

Mas 12:16—Ti mwawiihai nlakiheryo na eversikulu yeela nnahaalaaya omukhaviherya muchu okhala oolipa vaavaa onahooleleiye nikachamiho noovila? (Os Jovens Perguntam, mwaha 95, ipara. 10-11)

Naakhulo nanyu
Muhakhu taani woomunepani wa waalakhanyiwa wa Piipiliya wa esumana yeela munahaalaanyu osiveliwa okawana ni hiyaano?

Naakhulo nanyu

3. Waalakhanyiwa wa Piipiliya

(4 min.) Mas 12:1-20 (th yoohuserya 5)

MWIIVYAKIHE MMUTEKO WOOLALEERYA

4. Opaceryiha Ovaanela

(2 min.) EMPA NI EMPA. (Waasivela Achu, yoohuserya 1, epontu 4)

5. Opaceryiha Ovaanela

(3 min.) EMPA NI EMPA. Mvahe yoohuserya ya Piipiliya. (Waasivela Achu, yoohuserya 5, epontu 4)

6. Ovaanela Woocharela

(3 min.) OLALEERYA WOOHILAKELELA. Mmoonihe esaiti ahu muchu yoowo orino anamwane. (Waasivela Achu, yoohuserya 9, epontu 3)

7. Mutharihe Soororomela Sanyu

(3 min.) Yawooniherya. Perguntas Frequentes, mwaha 3—Muru: Vocês Acreditam Que a Sua Religião é a Única Verdadeira? (Waasivela Achu, yoohuserya 4, epontu 3)

OKUMI WEEKRISTU

8. Mvoothe Makacamiho a Ikhorowa Nnikhaviheryo na Yehova

(15 min.) Othokororya ni alipa oowiriyana.

Apwanne nyuwaano muri awuukhuwa ni mukhalelo wa ophwanya muteko, oyeleela muteko naari ohiwerya okhalano ikhorowa sawaakhwanela wi munawerya okulano echu wakhala wi mohuuluvala? Mukhalelo wa ichu wa elapo yeela mwawaakuveya onanwerya otorokeya. Mwawiihiiha, Yehova onnanroromeliha wi, wakhala wi noomukuha mu nipuro noopacerya, owo onahaala onikhapelela wa soothowa sahu—naamwi matorokelo a mookumini mwahu etannyeryaka makacamiho a ikhorowa wa hiyaano.—Sal 46:1-3; 127:2; Mat 6:31-33.

Yawooniherya ya Exilema “Yehova Hantonko Onihiya.” Munna Alvarado onnapharela ntata na amwaariye vaavaa onavekeleiye ni emusi awe.

Moonihe EXILEMA Yehova Hantonko Onihiya. Voocharela mwaakohe alipa oowiriyana:

Tiheeni nyuwaano muhusenryaanyu ni yaweereya ya munna Alvarado?

Naakhulo nanyu

Mwaalakhanye 1 Timotiyu 5:8. Voocharela mwaakohe alipa oowiriyana:

Ti mwawiihai eversikulu yeela enalipihaaya nroromelo nanyu wi Yehova ilukuluku soothene onahaala okhapelela soothowa sa yaale anamulapa yoowo?

Naakhulo nanyu

Moone malakiheryo makina a Mpiipiliyani yaawo anahaala wookhaviheryaani vaavaa munakhalaanyuno makacamiho a ikhorowa:

Mukhweiye ekumi anyu. Mukukuce ivaale ni othuma ichu soohichuneya.—Mat 6:22
Mpake soolakelela vooloca sa muteko ni mahusiheryo yaawo enahaala oweerihaani okuha ichu soomunepani mu nipuro noopacerya.—Afi 1:9-11
Mukhale awiiyeviha ni awiikhoveleliha. Wakhala wi nyuwaano himwaano muteko, mukhale oohuleya wa miteko mikina—ophiyerya tho wa miteko seiho onachuneya wiiyeviha—seiho inahaala wookhaviheryaani waakhwaniherya soothowa sa emusi anyu.—Mas 14:23
Mukhale ooreheryeya okawana ni akina yeeyo muryaanyuno, naamwi ehaance.—Ahe 13:16

9. Yoohuserya ya Piipiliya ya Muloko

(30 min.) Mulipeleli, 08/2020, mwaha 5, ipara. 1-12