NCIPO 29
Nikhale Mwawiiwanana ni Nsina na Yehova
(Isaiya 43:10-12)
1. Tiithi Yehova Mwene a mamwene
Oosivela, eepewe n’ikuru.
Toororomeleya mu soothesene,
Masu awe toovaha miruku.
Hiyo ninnachuna olaleyaka
Veelaponi michaka s’Omwene.
(KOORU)
Noolakela okhala Anamoona,
A Yehova okhala wookhala.
2. Ninnachuna okhala oosivela
Oovilela ni a murecele.
Olaleya Omwene wa Yehova,
Onnanivaha ohakalala.
Nyuwo Yehova, ninnoothamalaani,
Ninnachuna okhala awinyu.
(KOORU)
Noolakela okhala Anamoona,
A Yehova okhala wookhala.
(Moone tho Malam. 32:4; Sal. 43:3; Dan. 2:20, 21.)