Mukhalelo wa Oreera Murima

1. Nyu Yehova Muluku⁀ahu

Munnareera murima!

Munnawerya wooniherya,

Epewe wa oothene.

Ti nyuwaano mumphwanela,

Ocicimihiwaka.

Haavo muchu mukinako,

Onlikana ni nyuwo.

2. Ninnaveka munep’anyu

Nihiku ti nihiku.

Wi niwerye okhalano

Mikhalelo saphaama.

Woona wi ninnalalerya

Omwene⁀anyu Yehova,

Ninchuna wooniheryaka

Epewe wa oothene.

3. Khwoo Yehova reelihani

Wiilipixerya wahu.

Ninnachuna okhalano

Mikhalelo saphaama.

Wi annihu ni amusi,

Naakhaliheke phaama.

Mu saweera soothesene,

Nooniherye epewe.