YOOHUSERYA 18
Mwaha ori Woohusiha wa Achu Athukumanne
ECHU YAWEERA: Mweerihe wi oowiriyana anyu yuupuweleke vooloca sa mwaha mukhataaya, mwawiihiiha anahaala woona wi aahuseryavo echu.
MUKHALELO WA WEERANO:
● Muupuwele tiheeni oowiriyana anyu asuwenlaaya. Ohiya wuuluulela echu yiiwalaaya khalai, mwaakhaviherye wiiwesesa mmukhalelo muvyaani.
Mutharihe miyaha isuweliwe mwawaakuveya, nto wakhala wi miyaha mivyaani mutharihe vakhaani vakhaani.
● Mutholathole nave muupuwelele. Wakhala wooweryeya, mphitaanyerye miyaha ihisuweliwexa naari saweereya wi mvuwihe miyaha sookhweleya. Muupuwele mwawiixeela vooloca sa mwahaanyu nave mwiiwananihe mwaha ni saweereya munachunaanyu oloca.
Vaavaa munatholatholaanyu mwaha, mutannye muupuwelo anyu moorweela wa wiipakela makoho ntoko ‘eheeni, ntakhara eheeni, liini, woowi, taani, ni mwawiihai.’ Murehererye ohusiha wanyu moorweela wa opaka ni waakhula makoho makina a yaala mmwaha anyu.
● Mooniherye ophariheleya waya muchaka anyu. Mutharihe mukhalelo makupa a yoorepa eneereya yaakhaviherye alipa oowiriyana muukumini mwaya. Muthokororye mikhalelo mooluluwanya, saweera iri sookhweleya wa oowiriyana anyu.