Sawooniherya sa Ntakiheryo

Mpaceryihe Yoohuserya ya Piipiliya Nawoorowa Oopacerya a Tesempuru

“Achu ancipale annaweherya okooka wa Yesu. Wakhala wi Yesu ookooka, echu taani emoha mwaachunaanyu wi owo apake?” Muweherye naakhulo. Mmoonihe oculi wa A Sentinela 1 a Tesempuru, nave muthokororye vamoha mwaha onaphwanyeya vathi va nikoho noopacerya ni soorempwa iromoliwe. Mvahe irevista nave mpake marehereryo a okooka wi muthokororye nikoho nnacharela.

Sentinela 1 a Tesempuru

“Okumi ti wuukhuwa mmahiku yaala nyenya poti okhala woovila wuupuwela vooloca sa Muluku. Nyuwano munoona okhala yoochuneya okhalano Muluku mu okumi ahu? [Muweherye naakhulo.] Mu Mwaha awe wa Vamwaakoni, Yesu aaloca wi hiyo nnachuna ichu soomunepani wi nikhale oohakalala chiryene. [Mwaalakhanye Mateyu 5:3.] Erevista ela ennavuwiha mathowa mararu ntakhara heeni hiyo ninnamuchuna Muluku.”

Despertai! a Tesempuru

“Muupuwelo wa ancipale a hiyo onarweela wa yeeyo nnawiriyanaahu nari nnaalakhanyaahu mu michaka seelapo. Munuupuwela wi michaka seiho nnaakhelaahu ti soororomeleya ni seeparipari? [Muweherye naakhulo.] Piipiliya onnaceenyerya okhalano ephoole vooloca sa ororomela yeeyo nnawiriyanaahu. [Mwaalakhanye Yobi 12:11.] Erevista ela ennavaha sooleliherya inahaala onikhaviherya waalikhela masu yaawo nnawiriyanaahu nari nnaalakhanyaahu.”