Sawooniherya sa Ntakiheryo

Opaceryiha Soohuserya sa Piipiliya Nawoorowa Oopacerya a Yaneru

“Achu ancipale aakhalano moonelo aya vooloca sa Muluku. Ancipale anuupuwela wi Muluku ikuru sa malavi. Akina anamwaanyiherya owo ntoko Tiithi oosivela awirimu. Munuupuwela wi Muluku tawiihai ?” Muweherye naakhulo. Mwamala mmoonihe oculi wa A Sentinela 1 a Yaneru, nave muthokororye vamoha miseelo vathi va nikoho noopacerya ni emoha ya soorepa iromoliwe. Mvahe irevista, nave mvaanele okooka wi muthokororye nikoho nnacharela.

Sentinela 1 a Yaneru

“Hiyaano nnapaka oxekurya wawaakuveya nlocaka mwaha onanivolowela oothene hiyo​—okhwa wa oosiveliwa ahu. Hamuneemererya wi omuyeleela nthamwene oosiveliwa nari mmusi echu yoovila ovilela? [Muweherye naakhulo.] Ancipale ahoona wi eversikulu ela ya Piipiliya ti yoohakararya. [Mwaalakhanye Yesaya 25:8.] Erevista ela ennathokororya yoolaiherya yoolipiha ya Piipiliya ya omala wa okhwa ni waaviha mookhwani oosiveliwa ahu.”

Despertai! a Yaneru

“Hamuneemererya wi imusi sinnakumana ni sookhinyererya sawaaca mmahiku yaala? [Muweherye naakhulo.] Nsiposipo nla na Piipiliya ninnanleela yeeyo imusi inaphwanelaaya weera wi iteke nave ilipihe ichoko saya. [Mwaalakhanye Masiposipo 24:3.] Ancipale ahoona wi Piipiliya ehime yeeparipari ya miruku. Erevista ela ennamuthokororya site mmoha orino mathipelo a Piipiliya yoowo orino ikaruma samahala wi ikhaviherye imusi.”