EPIIPILIYOTEKA ya Watchtower
EPIIPILIYOTEKA
ya Watchtower
Elomwe
  • PIIPILIYA
  • SOOLALEERYIWA
  • MITHUKUMANO
  • km 4/14 ipaax. 2-7
  • ‘Mukhalelo Anyu Mwa Amalapo Okhale Worera’

Henaphwanyeya exilema mu nikupa nenla.

Munikhurumuwele, yookhala ehesen'ye nichunaka owoonihaani exilema ela.

  • ‘Mukhalelo Anyu Mwa Amalapo Okhale Worera’
  • Orummwa Wahu wa Omwene—2014
  • Miyaha Soophwanaphwana
  • Sawuupuxerya sa Muthukumano wa Muceche
    Orummwa Wahu wa Omwene—2015
  • Meecelo Anamucicimiha Muluku
    Orummwa Wahu wa Omwene—2013
Orummwa Wahu wa Omwene—2014
km 4/14 ipaax. 2-7

‘Mukhalelo Anyu Mwa Amalapo Okhale Worera’

1. Ntakhara heeni ti woochuneya okhalano mukhalelo waphaama variyari va mithukumano inoorwa?

1 Hiyaano ninnaakopa achu variyari va mithukumano sahu sa muceche khata eyaakha, ti nthowa nene oryaaya woochuneya wi mukhalelo ahu okhale wawiiwanana ni Muluku nnamulapelaahu. (Onam. 20:26) Mukhalelo ahu waphaama ntoko owara wahu phaama onahaala onisuwanyeiha ntoko oomuchara a Kiristu eeparipari. Vaavaa nnahaalaahu oya o mithukumano sa muceche naari sa ilapo soohiyana inoorwa, nnahaala okhapelela hai ‘mukhalelo ahu mwa amalapo okhala worera’ ni omvaha ncicimiho Tiithi ahu awirimu?​—1 Pet. 2: 12.

2. Ikari taani sa wooniherya omuchu Weekiristu nnahaalaahu okhalano variyari va muthukumano wa muceche?

2 Mooniherye Omuchu Weekiristu: Osivela yoowo nnooniheryaahu mukina ni mukhwaawe ni moota nnaakhalihaahu “amalapo” ennooniherya ohiyana orivo ni munepa weelapo. (Akol. 3:10; 4:5; 2 Tim. 3:1-5) Nnaphwanela okhala aphaama ni oopixa-murima mmeerelo ahu ni anamalapa a hoteli ni irestaurante, naamwi ekhumelenle makacamiho. Meerelo aphaama anooniherya tho wi ti waphaama waavaha yoothamalela yaale ananirumeela.

3. Yawuupuxerya taani asitiithi anavahiwaaya, nave ntakhara heeni?

3 Asitiithi anaphwanela waakhapelela phaama anamwane aya mu nipuro na muthukumano wa muceche, restaurante, nari mu hoteli. (Masi. 29:15) Mutokweene mmoha a hoteli aaloca wa mutheli mmoha: “Hiyaano ninnoosivelaani achu nyu. Imusi sanyu ni anamwane anyu ta meecelo aphaama ni a ncicimiho. Anamalapa oothene yaanoolocani phaama, nave ninnachuna wi mwaakhanle vaava omakuchulo wa isumana soothene.”

4. Vaavaa nnaphwanyeyaahu va epooma ya muthukumano wa muceche, nnaphwanela othokororya hai ophwaneliwa wahu?

4 Yoowara Yoophwanelela: Owara wahu variyari va muthukumano wa muceche onaphwanela okhala woophwanelela, woohiyana ni mukhalelo wawunlaana mweelaponi. (1 Tim. 2:9) Naamwi nri mpuwa naari vaate va hoteli naari mu elukuluku ya wiichuuwa muthukumano ohaakumve naari omanle, nnaphwanela osepa mawarelo oohiphwanelela. Nnahaala ocicimiheya wakhala wi noowara ekaraxa ahu ni ohoovelela ovaha onamoona nakhalano ekari. Ophwaneliwa wahu ni meecelo aphaama vaavaa nnahaalaahu ophwanyeya va mithukumano inoorwa iho tahi pahiru onahaala waapurula eekhaikhai wa muchaka woovuluxa ikumi wa Mpiipiliyani navetho onahaala omuhakalaliha Yehova.​—Sof. 3:17.

[Ekaaxa va ipaaxina 7-8]

Sawuupuxerya sa Muthukumano wa Muceche wa 2014

◼ Ilukuluku sa Eprokrama: Milako sa nipuro inahaala ohuliwa 7:00. Muusika onahaala opacerya 8:20 mahiku oomararu. Elukuluku yeeyo oothene hiyo nnaphwanela oya o mipaco sahu wi eprokrama epacerye mmukhalelo woophwanelela. Ncipo ni nivekelo nookuchula nnahaala weeriwano 15:55 Naneethanu ni Nawoorowa nave 14:50 Namurunku.

◼ Mithukumano sa Ilapo Soohiyana: Mmapuro makina sinahaala weereya mithukumano sa ilapo soohiyana. Mukhaleno mmuupuweloni wi eskritoriyu ya efiliyale yoowopa miloko mikina ni achu a ilapo ikina emanle waalakhanyerya waaca wa mipaco, nipuro na atransporti ni ikwartu sa hoteli. Orama wa mapuro onahaala weereya wakhala wi alaleeryi ahiwompwale aarwa o muthukumano wa ilapo soohiyana. Wakhala wi munachuna oya o muthukumano mukina opwaha muthanleliwanyu, ti waphaama ohithanla oya o muthukumano wa ilapo soohiyana.

◼ Nipuro na Atransporti: Mapuro oothene a muthukumano wa muceche weiwo nnalamulelaahu nipuro na atransporti, mapuro anahaala okhala a mahala wa alipa a muthukumano wa muceche mmukhalelo wa oopacerya ophiya. Nipuro na atransporti wiiliwiili ti nooyeva, mwawiihiiha wuuka ikaaro onaphwanela weeriwano wakhala wooweryeya.

◼ Okuha mipaco: Vaavaa nipuro nnahuliwaaya khata wooxixelo, ninnoovekaani wi muhichimakele nipuro nookiraathi munachunaanyu ntoko wi munawanela ni alipa oowiriyana akina. Munepa wa wiivaha yoowo onaneeriha waavyaavya okhala phaama wa akina onnanisuwanyeiha ntoko Akiristu eeparipari nave onnaneeriha omuhakalaliha Muluku. (Yohane 13:34, 35; 1 Akor. 13:4, 5; 1 Pet. 2:12) Mipaco poti okuhiwa pahiru wa yaale murulaanyuno vamoha, munakhalaanyuno veechokoni, nari ale munaahusihaanyu Piipiliya. Soovahereryiwa mipaco savameekhaaya wa awuuluvala ni ooceecheya. Woona wi mipaco iha ti savakhaani, pahiru muchu mmoha naari apiili yaawo anaakhaviherya tanaphwanela okiraathino.

◼ Yoolya ya Mitiya: Ninnoovekaani wi muruuhe yoolya yookhweya ohiya okhuma va nipuro na muthukumano wa muceche wi mwaavye yoolya variyari va ewora ya wiichuuwa. Yookuxerya ekhaani enaweryeya okuhiwa vathi va mpaco poti ophariheliwa muteko. Sookuxerya itokotoko sa soolya ni sookuxerya sa vitru hasineemereryiwa va nipuro na muthukumano wa muceche.

◼ Sooveleela: Hiyaano poti wooniherya othamalela marehereryo a muthukumano wa muceche moorweela wa opaka sooveleela soochuna va muthukumano wa muceche wi nikhaviherye muteko wa veelaponi yoothene. Exeeki eri yoothene enaphwanela orempwa “Associação das Testemunhas de Jeová de Moçambique.”

◼ Murece: Wakhala wi nyuwaano moolamuleliwa murece, ninnoovekaani wi mukuxe wawaakhwanela, ntakhara wi va muthukumano wa muceche hokhalavo.

◼ Wiikasopa: Ninnoovekaani wi mukhale awiikasopa ni ichu soophoreiha ni soothoowiha. Khata eyaakha achu annaphoreya nthowa na isapatho, xaxaxa isapatho soorakamela osulu. Ti waphaama othanla isapatho soophwanelela, sawaakhwanela sinahaala weeriha wi muneeca phaama.

◼ Soorepela Queira Visitar (S-43): Yoorepela Queira Visitar enaphwanela ophariheliwa wi nrepe miseelo vooloca sa nchuno nri noothene nnaphwanyiwa mu olaleerya wa vanlakani variyari va muthukumano wa muceche. Soorepela soorempwa inaphwanela oveleeliwa o Nipuro na Aliivuru nari ovahiwa namarepa a muloko mwakookela owaani.

◼ Irestaurante: Mucicimihe nsina na Yehova moorweela wa meecelo anyu aphaama mu irestaurante. Muware mmukhalelo onamphwanelela Mukiristu. Mwaarowaka mvahe yamahala wakhala wi yookhoveleliwa.

◼ Marehereryo a Ikwartu: Nihiku na muthukumano wa muceche nihaakumve ophiya, Edepartamentu ya Ikwartu ennapacerya opaka marehereryo wi yaathokororye oothene yaale anaveka nipuro. Nrehereryo nenla ninnaacererya ohakalala nnalawihaahu moorweela wa okhala vamoha ntoko Akiristu. Nyenya, nuupuwelaka wi “sothe sene sereye mophwanelela ni mokwasulela,” nave wi onaphitaanyerya okhala phaama wa akina, sawuupuxerya vakhaani ti soochuneya. Yaale ari aleco vaate va munna anaphwanela okhala oohakalala ni yeeyo anavahiwaaya ni wiiwelela yeeyo enavekiwaaya. Awo anaphwanelela orehererya ekwartu khata nihiku ehaakumve oya o muthukumano wa muceche ni ehaakumve orowa. Okhala muleco vaate va munna honamaliha murici wa khata muchu othokororya yoolya awe ni atransporti. Mwawiihiiha, khata muchu onaphwanela wiirehererya mmukhalelo yoola. Wiiwanana wahu ni wiiwexexa miyaha seiya enneeriha wi mulipa owaakhela aleco ooniherye ovaha wawe moochuna, ohiya vathi va okhinyereryiwa. Mmukhalelo mmohamoha, yaale anakhala va nipuro na muthukumano wa muceche anaphwanela wiiwanana ni athoonyeryi wi nipuro na muthukumano ntitelele okhala naweela nihiku nnihiku.​–1 Akor. 14:40.

◼ Muteko Wawiiveleela: Muchu onachuna wiiveleela onaphwanela olokoha o Edepartamentu ya Muteko Wawiiveleela va muthukumano wa muceche. Anamwane arino iyaakha sa oyariwa vathi 16 poti tho okhaviherya phaama moorweela wa olapa ehooleliwaka ni tiithi, mukhapeleli, nari mutokweene mukina eemereryiwe ni tiithi nari mukhapeleli.

◼ Opatiso: Alipa opatiso anaphwanela okilaathi va nipuro ahiyeryiwaaya ohaakumve opacerya mwaha wa opatiso, Nawoorowa wooxixelo. Oothene eemereryiwe opatiso anaphwanela oruuha etuwalya aya ni yoowara yoophwanelela. Elukuluku evinre akina yaahiwara soowara soohiphwanelela nave yeeyo yaahinanariha mukhalelo. Asitokweene a muloko anuuluulela makoho mu liivuru Organizados ni alipa opatiso anaphwanela osuwela wi awo anniiwexexa mwaha yoola ni malakiheryo a Piipiliya anavolowela.

    Soolaleeryiwa sa Lomwe (1995-2024)
    Okhumavo
    Ovolowa
    • Elomwe
    • Ovaha
    • Orehererya
    • Copyright © 2025 Watch Tower Bible and Tract Society of Pennsylvania
    • Malakiheryo a Opharihela
    • Malakiheryo a Sookhuweya
    • Configurações de Privacidade
    • JW.ORG
    • Ovolowa
    Ovaha