Akosto Mweeri Wavameekhaaya wa Muteko!
Etrataato Evyaani Enahaala Okaiwa Orukurerya Elapo Yoothene
1. Mukipici taani wavameekhaaya onahaala weeriwa vaavaa nnaacamelaahu iyaakha nsana na oyariwa wa Omwene?
1 Waakhwana wa iyaakha nsana na oyariwa wa Omwene wa Muluku wohaacamela. Ti woophwanelela omucicimiha Yehova variyari va mukipici yoola wa vameekhaaya! Mweeri wa Akosto hiyaano nnahaala oweiwa okawa etrataato evyaani mu elapo yoothene yeeyo erino muru Ti Woowi Nnahaalaahu Ophwanyawo Maakhulo a Makoho Matokotoko a Okumi? Etrataato ela ennaaceenyerya alipa awaalakhanya wi yaavye maakhulo Mpiipiliyani nave ennathariha mukhalelo wa ompharihela jw.org wi aakhaviherye.
2. Nni naaceererye hai ‘okhuwela ni weliwa Muriman ni wathamala Apwiya’ variyari va mweeri wa Akostu?
2 Okhuwela ni Weeliwa Murima: Wi yaakhaviherye alaleeryi waaceererya orummwa waya, marehereryo a vameekhaaya annapakiwa wa yaale anawerya okhala mapiyoneero ookhaviherya mweeri wa Akosto. Variyari va mweeri yoowo, alaleeryi apatisiwe anahaala weemereryiwa olapa ntoko mapiyoneero ookhaviherya anaveleela iwora 30. Woona wi Akosto orino Aneethanu, Anawoorowa, ni Mirunku mithanu, alaleeryi ancipale yaawo analapa naari anaya oxikola variyari va esumana anahaala owerya olapa ntoko piyoneero ookhaviherya. Mwaarino oohuserya a Piipiliya naari mwaninyu ooya vahoolo yoowo onachuna okhala namalaleya, muloce ni ooweherya a nikhuuru na asitokweene. Ela enahaala okhala yoolipiha avyaani onikhaviherya ntoko alaleeryi variyari va mweeri yoowo wa vameekhaaya! Mapiyoneero mancipale a elukuluku yoothene annaveka wiichuuwa variyari va Akosto emanle waakhwaniha iwora sinachuneya vayaakhani, eyo akhweya enahaala waakhaviherya opaka marehereryo wi yuuke mmukipici yoola wavameekhaaya. Ela elukuluku wi imusi ithokororye mukhalelo wa ‘Okhuwela ni weliwa Murima ni wathamala Apwiya’ yoowo onahaala weereya variyari va mweeri wa Akosto—Esdra 3:11; Masi. 15:22 Bibiliya Nsu Na Muluku.
3. Yoowehererya taani nryaahuno mmukipici yoola wavameekhaaya?
3 Hiyaano naapaka makupa mmukipici mmohamoha mu iyaakha ivinre, nnaweherya wi ela ekari ekina. Nnanwerya waaceererya iwora, alaleeryi, ni mapiyoneero ookhaviherya variyari va Akosto? Vaavaa nnakuchulaahu eyaakha ya muteko ya 2014, Yehova onahaala oreeliha wiilipixerya wa achu awe a veelaponi yaawo aniilipixerya ovaha onamoona woomalela wa oothene mmweeri wa Akosto!—Mat. 24:14.