OKUMI WEEKIRISTU

Mukhalelo wa Ompharihela JW Library

MU YOOHUSERYA:

• Waalakhanya yoorepa ya nihiku.

• Mmwaalakhanye Anuário, irevista, ni soolaleeryiwa ikina. Mpharihele mukhalelo wa ohelavo eneneeryo.

• Murehererye mithukumano sa muloko, ni oceka maakhulo.

• Moone ixilema.

MMITHUKUMANO:

• Ochariha soorepa vaavaa namaloca onaromoleiye. Muhiwale ekhankoonya anyu wi yookhweeleeni ophwanya soorepa.

• Ohiya oruuha soolaleeryiwa sincipale mmithukumano, mpharihele ekhankoonya anyu mmakupa oothene ophitaanyerya wiipa macipo. JW Library ookhalano macipo mavyaani yaawo ahirimo mu liivuru anyu a macipo.

MMUTEKO WOOLALEERYA:

• Mmoonihe muchu oonihenrye nchuno yoolaleeryiwa vyakala mu JW Library, nave mmukhaviherye wi owo akhaleno JW Library mu ekhankoonya awe wi awerye okhalakano soolaleeryiwa sahu.

• Mpharihele mukhalelo wookhweya wa ophwanya yoorepa ya Mpiipiliyani. Wakhala wi masu hanaphwanyeya mu Piipiliya Tradução do Novo Mundo da Bíblia Sagrada, mumpharihele Tradução do Novo Mundo com Referências nave mutholathole wanaawiili.

• Mmoonihe exilema. Wakhala wi namakhala ookhalano anamwane, munaphwanela orumiha emoha ya ixilema sa makupa Torne-se Amigo de Jeová. Naari akhweya mmoonihe exilema Ntakhara Heeni Omuhuserya Piipiliya? wi mwaaceererye nchuno na omuhuserya Piipiliya. Wakhala wi momphwanya muchu onaloca elocelo ekina, mmoonihe exilema ya elocelo awe.

• Mmwaalakhanye Piipiliya wa namakhala onaloca elocelo yookhopela, mmupharihele Piipiliya a elocelo yeeyo mmukuminhaanyu. Muye va yoorepa nave mwiiwananihe ni Piipiliya a elocelo munachunaanyu omwaalakhanya.