Ekaarata ya Ntakiheryo

• Muloce sooleeliherya sanyu. Wakhala wi munoona wi tahi yaphaama, munanwerya oloca nipuro eriwo Empa ya Omwene wakhala wi atokweene a mmulokoni anneemererya weerano yeela. Nyenya, MUHIRWE mumvahe muchu owo sooleeliherya vooloca sa efiliyale.

• Mpharihele nsina nawe wakhala wi moomusuwela muchu owo. Ela enahaala omukhaviherya muchu owo ohuupuwela wi ekaarata ela enaloca sa muteko.

• Murepe phaama mwawiiwanana ni elocelo yeeyo nave mwaapariheleke aponto. Epapeli ene ekhale yaphaama, ohiya yoonyotopala. Wakhala wi erempwale ni mata, enaphwanela orempwa phaama wi ekhweyeke waalakhanya. Nave mpharihele masu oophwanelela.

Ekaarata enooniheryiwa va, ennacicimiherya makupa yaala. Henataphulela wi munaphwanela ocharihaka hiiha ntoko erempwalaaya va, mu ikwaha soothene munarepaanyu ekaarata wa muchu vyakala mu ekulucu anyu. Vaavaa munarepaanyu ekaarata anyu murepeke mwawiiwanana ni yoolakelela, soothowa ni sookhovelela sa vanipuroni.