OKUMI WEEKRISTU

Mpake Soolakelela Mwamiruku Vooloca sa Soowurya Soohapaliha

Yaweereya enarweela mu exilema ‘Muupuwelele Muhaakumve Owurya.’ Enowa ya miino enalikana ni owurya yoowurya yoohapaliha yeeyo mulopwana opharenleiye.

Akristu oothene anaphwanela okhalano mphimo vooloca sa soowurya soohapala. (Masi 23:20, 29-35; 1Kor 6:9, 10) Wakhala wi Mukristu onnalakelela owurya, owo onaphwanela weerano moophimelela. Owo onaphwanela osepa ochunaxa owurya yoowurya yoohapala ni osepa waakwaculiha akina. (1Kor 10:23, 24; 1Tim 5:23) Mweeparipari, hannaphwanela omukhinyererya muchu, xaxaxa amiravo wiisoona wi anaphwanela owuryaka.

MOONE EXILEMA MUUPUWELELE MUHAAKUMVE OWURYA, NAVE VOOCHARELA MWAAKHULE MAKOHO ALA:

Ntakhara heeni Akristu anaphwanela wiiwelela nlamulo vooloca sa soowurya soohapala?—Aro 13:1-4
Ntakhara heeni nnaphwanela osepa waachariha akina vaavaa ananikhinyereryaaya wi niwurye yoowurya yoohapala?—Aro 6:16
Nni nsepe hai mikhalelo sawoopiha sinakhumelela nthowa na soowurya soohapala?