Waakhanle wi Yehova onnooniherya osivela wawaaca mu soopatuxiwa, nnanwerya ororomela wi ori oorehereya oreeliha wiilipiserya wahu mu omurumeela yoowo
OKUMI WEEKRISTU
Mukhalelo Soopatuxiwa Sinooniheryaaya Osivela wa Yehova
Nnanwerya okhala ooweiwa ni miteko sa nihiku ti nihiku nave nihikhaleno elukuluku ya wuupuwelela sawooniherya sa osivela ni ovaha wa Yehova seiho nnoonaahu mu soopatuxiwa inirukurenrye. Nyenya Yesu onnanceenyerya ovarerya soopatuxiwa ni wuupuwelela yeeyo inanihusihaaya vooloca sa Yehova.—Mat 6:25, 26.
MOONE EXILEMA SOOPATUXIWA SINNOONIHERYA OSIVELA WA YEHOVA, NAVE VOOCHARELA MWAAKHULE MAKOHO ANACHARELA:
Tiheeni nyuwaano muhusenryaanyu vooloca sa osivela wa Yehova orweela mwa . . .
ichu seiho inapakeya orweela wa ichu sa mulaponi?
atimosfeera?
manaxi?
opakiwa wa axinama?
mapakeliwo a mwiili ahu?
ocopare ahu?