Mukhalelo wa Opharihele Ixilema sa Yoohuserya ya Piipiliya

Hiyaano nookhalano ixilema xexe sa yoohuserya ya Piipiliya wi niphariheleke mmuteko woolaleerya. Mano ixilema soothene seiha sipakiwe ni yoolakelela taani?

• 

  Ntakhara Heeni Omuhuserya Piipiliya?—Exilema Yanteero epakiwe ni yoolakelela ya waakhaviherya achu wunnuwiha nchuno naya ntakhara Piipiliya moohipwacha soororomela sa ikerexa saya. Eyo ennaaceenyerya woona maakhulo a Piipiliya ntakhara makoho matokweene a mookumini nave sinnaavaha sooleeliherya sookwakwaleya sinaphwanyeya mummo. Eyo ennathariha mukhalelo wa oveka yoohuserya ya Piipiliya.

• 

  Ntakhara Heeni Omuhuserya Piipiliya? (makupa akwatiwe) enamulikana ni exilema yanteero nyenya eyo ti yookhuveya. Eyo enanwerya okhala yamphurelo mu ikulucu seiho achu ahinakhalaayano elukuluku yincipale wi echekule.

• 

  Tiheeni Eneereya mu Yoohuserya ya Piipiliya? ela epakiwe ni yoolakelela ya wunnuwiha nchuno ntakhara marehereryo ahu a yoohuserya ya Piipiliya ehinaliveliwa ni waakhula makoho mancipale achu anakhalaayano vooloca sa yeeyo, ophitaanyerya mukhalelo wa oveka yoohuserya.

• 

  Munnaakheliwa va Yoohuserya Anyu Yeela ya Piipiliya epakiwe wi yoonihiweke oohuserya a Piipiliya. Naamwi exilema yoonihiwaka va epaaxina yanawiili ya liivuru Mpuhe Okumi Okhala Wookhala! eyo enanwerya woonihiwa vaavaa anathokororyaaya eproxura Mpuhe Okumi Okhala Wookhala! Exilema ennathariha miyaha sa vasulu sa liivuru ni yeeyo oohuserya anaphwanelaaya oweherya variyari va omuthokororya yoowo.

Naamwi exilema ti exilema epakiwe ni yoolakelela yoohiyana, nnanwerya owooniha naari waarumihela achu vyakala wakhala wi weerano eyo ti yoophwanelela. Alaleeryi annaceenyeryiwa osuwela phaama ixilema ni opharihela iho mmukhalelo woophwanelela mmuteko woolaleerya.