Ti Sivi Siri Soolakelela Sanyu sa Eyaakha Evyaani ya Muteko?

Soolakelela soomunepani sinaphitaanyerya echu vyakala nniilipixeryaahu opaka wi niwerye omurumeela Yehova moopwahaxa ni omweeriha owo okhala oohakalala. Iho sinnanikhaviherya okhala Akristu awunnuwelavo nave ti wamphurelo wiilipixerya opharihela elukuluku ahu ni ikuru. (1Tim. 4:15) Ntakhara heeni nnaphwanelaahu othokororya soolakelela sahu moohihiyererya? Nthowa nawi mikhalelo sinnatorokeya. Yoolakelela yakhalai enanwerya ohikhala yoophwanelela, naari akhweya nookhwaaniherya yeeyo nave onanwerya okhala woochuneya otikitherya ekina.

Elukuluku yoophwanelela ya othokororya soolakelela seiho, eri ehaakumve eyaakha evyaani ya muteko. Apwanne mwaanwerya othokororya seiho variyari va malapelo a echoko ni otikitherya soolakelela sa muchu mukhateiye vamoha ni sa echoko?

Tiivi siri soolakelela sanyu wa seiha inacharela, nave marehereryo taani munaphwanelaanyu opaka wi nwerye waakhwaniherya?