Mpharihele Epaaxina Yoopacerya mu JW.ORG Mmuteko Woolaleerya

Epaaxina yoopacerya mu esaiti ahu sinnaphwanyeya miyaha ni ixilema irehereryiwe wi iitannye nchuno na achu arinono murima woophwanelela. (Saw 13:48) Mu ikwaha sincipale sinnaloca miyaha inaphwanyeya mu inotiisiya naari vooloca sa ichu seiho achu anaamupuuwelaaya ni analocaaya.

Muni nwerye hai opharihela epaaxina yoopacerya mu jw.org mmuteko anyu woolaleerya?

• Muxekuryeke wiiliwiili esaiti. Murepele yeeyo enaphwanyeya hiihaanoru mu esaiti, voocharela muthokororye mukhalelo mwahaalanyu opharihela ni muchu orinono nchuno. (Wi mphwanye miyaha mikina seiho ivahereryiwe hiihaanoru mu epaaxina yoopacerya mphinye “Moone Yeeyo eri Evyaani.”) Oxekurya esaiti wiiliwiili enahaala wookhaviheryaani otikitherya ochekula mmuteko woolaleerya yoowo onahaala otannya nchuno.

• Mpharihele miyaha ni ixilema inaphwanyeya mu epaaxina yoopacerya mu esaiti wi mpacerye ovaanela. Ikaruma seiha inanwerya onivaha miruku wi nsuwele yeeyo achu mu ekulucu ahu anuupuwelaaya.

• Mwaathonyiherye achu epaaxina yoopacerya. Muloce sa ipontu sooluluwanya nave mmooniherye muchu mukhalelo wa opaka otholathola mu esaiti.

• Mmukawe link. Achu akina annakhala awuukhuwa oloca ni hiyaano vanlakani nyenya annakhala ootaphuwa oxekurya esaiti ahu. Mwawiihiiha muhoovelele waavonyerya link achu anooniherya nchuno wi ephwanye epaaxina yoopacerya nari mwaha vamoha ni exilema yooluluwanya inaphwanyeya mu esaiti.