OKUMI WEEKRISTU

Mwaakhaviherye Achu Ahirinono Malapelo Omusuwela Mpatuxa Aya

Apwanne mootonko waalaleerya achu yaawo ahirinono malapelo nave muupuwela wi tiwohiwereya naari wi henii yoowiriyaneni? Waakhanle wi ti hiihaa, muupuwele wi achu ancipale yahaarinono malapelo, ophitaanyerya ma ateu, aaphiyerya okhala Anamoona a Yehova. Wiiliwiili, soothene yaakhwelaaya waari ovahereryiwa nikhaviheryo wi ethokororye sawooniherya sawi Muluku ookhala—Aro 1:20; 10:14.

MOONE EXILEMA MUUPUWELE—YAALE AHIRINO NROROMELO ANANWERYA OKHALANO NROROMELO!—ACHU AHIRINO MALAPELO, NAVE VOOCHARELA MWAAKHULE NIKOHO NNACHARELA:

• Timwawihayi yaweereya ya Tommaso yookhavihenryayaani woona mmukhalelo waphaama wa waalaleerya achu ahirinono malapelo?

Your answer

Mukhalelo wa weerano

Wakhala wi muchu oloca wi hanamweemererya Muluku, mukhale ooreera murima, oopwacha ni weererya osuwela yeeyo enamweeriha wuupuwela hiihaa. (2Tim 2:24) Muloce miyaha seiho akhweya inahaala otannya nchuno nawe. Hanka waakhanle wi owo onahaala okhalano nchuno na osuwela sawooniherya saakhavihenrye akina osuwela wi ookhalawo mpatuxa? Wakhala wi eyo yoheereya, mpharihele muteko soolaleeryiwa sahu ni ixilema. Ntoko iproxura, Será Que a Vida Teve Um Criador? ni A origem da vida—Cinco perguntas que merecem resposta seiho siphitanyeriwe ni ikaruma sahu soohusihano wi ikhale sookhweya ophwanyiwa.

Woopacerya, munanwerya okhala awoovelela oloca sa eparipari ni muchu yoowo ohinamuroromela Muluku. Munoona hai okhuma ni mulaleeryi a mavyakelo wi ookhaviheryeeni? Muupuwele wi Yehova onanwerya onikhaviherya waaphwanya yaale arino nchuno noophwanelela—naamwi woopaceryani awo yaaroromela wi owo hakhanle.—Saw 13:48.