Muni Nvilele Hai ni Ohookololowa?

Mwaalakhanye Mapacereryo 37:23-28; 39:17-23 muhuserye ni yaweereya ya Yosefe vooloca sa ovilela ni ohookololowa.

Mwaalikhele mwaheene. Ntakhara heeni achu akina yaahimukhaliha Yosefe moohookololowa? (Map. 37:3-11; 39:1, 6-10) Ophiyerya elukuluku taani Yosefe aphwaneleiye ovilela ni ohookololowa? (Map. 37:2; 41:46) Variyari va elukuluku yeeyo, tiheeni Yehova eenreiye wa Yosefe nave tiheeni Owo aheenreiye?—Map. 39:2, 21; Mulipeleli, 01/2023, epaax. 17 epara. 13.

Muhuserye mwawiixeela. Piipiliya hanaloca wi Yosefe aahiisaakiha vooloca sa wootheryiwa wawe ni mwaara a potifare. Ti mwawiihai soorepa sinacharela sinahaalaaya onikhaviherya wuupuwelela vooloca sa ntakhara heeni Yosefe aathanlileiye otitelela okhala oomaala naari ntakhara heeni hannaphwanela owehererya wi ichu soothene suupululiwe? (Mas. 20:2; Yoh. 21:25; Saw. 21:37) Mikhalelo taani saamukhavihenrye Yosefe ovilela ni ohookololowa?—Mik. 7:7; Luka 14:11; Tiy. 1:2, 3.

Moone Mahusiheryo. Mwiikohe:

• ‘Ohookololowa taani kinaweheryaaka ohoolela ntoko oohuserya a Yesu?’ (Luka 21:12, 16, 17; Ahe. 10:33, 34)

• ‘Tiheeni kinaphwanelaaka opaka hiihaano wi ekikhaviherye ovilela ni ohookololowa?’ (Sal. 62:7, 8; 105:17-19; Mulipeleli, 07/2019, ipaax. 2-7)